ডিফুত প্ৰথমবাৰৰ বাবে আয়োজন কৰা হৈছে কাৰ্বি আংলং কুইজ মহোৎসৱ (Karbi Anglong Quize Festival)। শুকুৰবাৰে এই মহোৎসৱৰ শুভাৰম্ভণি কৰে কাৰ্বি আংলং স্বায়ত্তশাসিত পৰিষদৰ কাৰ্যবাহী সদস্য ৰিচাৰ্ড টকবিয়ে। জিলাখনত ছাত্ৰ-ছাত্ৰী তথা নৱপ্ৰজন্মৰ মাজত জ্ঞান আৰু বৌদ্ধিক পৰিসৰ বৃদ্ধি তথা প্ৰতিযোগিতামূলক মনোভাব গঢ়ি তোলাৰ লক্ষ্যৰে এই মহোৎসৱৰ আয়োজন কৰা হৈছে।
“অসম গৌৰৱ” বিনং তেৰনৰ নেতৃত্বত ৭-৯ আগষ্টলৈ তিনিদিনীয়া কাৰ্যসূচীৰে ডিফুৰ তাৰালাংছ’ পিপ’লছ হলত প্ৰথমবাৰৰ বাবে এই কাৰ্বি আংলং কুইজ মহোৎসৱ আয়োজন কৰা হৈছে। এই প্ৰতিযোগিতাত জিলাখনৰ ৫০ খনৰো অধিক বিদ্যায়ৰ ছাত্ৰ-ছাত্ৰীৰ লগতে তেজপুৰ, গুৱাহাটী আদিৰ পৰাও ছাত্ৰ-ছাত্ৰীয়ে অংশগ্ৰহণ কৰিব বুলি জানিব পৰা গৈছে।
