নিউজ ডেস্কঃ
সদৌ অসম ছাত্ৰ সন্থা পৰা অৱসৰ গ্ৰহণ নকৰে মুখ্য উপদেষ্টা ডক্টৰ সমুজ্জ্বল কুমাৰ ভট্টাচাৰ্যই।জ্যেষ্ঠ নেতা গৰাকীয়ে আছু ত্যাগ নকৰা কথা আনুষ্ঠানিক ভাৱে ঘোষণা কৰিলে আছু নৱগঠিত ৰাজ্যিক কাৰ্যনিৰ্বাহকৰ দায়িত্ব আৰু শপত গ্ৰহণ অনুষ্ঠানত।
দুলিয়াজানৰ সপ্তদশ অধিৱেশনত আছু ত্যাগ কৰিব বুলি ডঃ ভট্টাচাৰ্য প্ৰতিনিধি সভাত ঘোষণাৰ পাছতে আবেগিক পৰিৱেশৰ সৃষ্টি হৈছিল।সদস্য সকলে জ্যেষ্ঠ নেতা জনক আছু ত্যাগ নকৰিবলৈ আহ্বান জনাইছিল।প্ৰতিনিধি সকলৰ আহ্বানৰ প্ৰতি সঁহাৰি জনায় ভট্টাচাৰ্য বিষয়টো বিবেচনা বাবে সময় বিচাৰিছিল।বিবেকক সুধি ভট্টাচাৰ্য সিদ্ধান্ত গ্ৰহণ কৰিব বুলি সংবাদ মাধ্যমৰ আগত প্ৰকাশ কৰিছিল।
গুৰুত্বপূৰ্ণ কথা যে আছু ত্যাগ নকৰো বুলি আনুষ্ঠানিক ভাৱে ঘোষণা কৰা পাছতে ভট্টাচাৰ্যই পুনৰ মুখ্য উপদেষ্টা হিচাপে থাকিব বাবে প্ৰস্তুত বুলিও প্ৰকাশ কৰে।অৱশ্যে উপদেষ্টা দায়িত্ব ৰাজ্যিক কাৰ্য নিৰ্বাহক সভাইহে সিদ্ধান্ত লব।
Total views : 1872464
Who's Online : 12
