নিউজ ডেস্কঃ
২ ডিচেম্বৰত তেওঁ দিল্লীলৈ আহিছিল প্রতিবাদী কৃষকসকলক সংগ দিবলৈ। নিজৰ ঘৰৰ কথা খুব মনত পৰিছিল। সেয়ে অভিনব এক উপায় উলিয়ায় তেওঁ। নিজৰ ট্রাকখনকেই ঘৰৰ ৰূপ দিয়ে জলন্ধৰৰ কৃষক হৰপ্রীত সিং মাট্টুই। কি নাই সেই অস্থায়ী ঘৰটোত! খাট, চোফা, টিভি, মোবাইলত চার্জ দিয়া ব্যৱস্থা। আনকি সৰু এটা শৌচালয়ো আছে তাত।
তেওঁ কয়, ‘আমাৰ ককা আমেৰিকাত থাকে। তেওঁ কৃষকসকলৰ ওচৰত থাকিবলৈ কয়। সেয়ে কাম-কাজ এৰি গুচি আহিছোঁ।’ তেওঁৰ লগত আহিছে পত্নী, সন্তানসহ আৰু প্রায় ৮০ জন লোক।
মাট্টুই জনোৱা মতে, চাৰি–পাঁচখন ট্রাক লগত লৈ আহিছিল। সমগ্ৰ দিন বিক্ষোভস্থলীত থাকি নিশা হোটেলত শুবলৈ গৈছিল। তাত গৈ ঘৰৰ কথা মনত পৰি কিবা লাগে। সেয়ে এই বুদ্ধি। মাত্র ডেৰ দিনত নিজৰ এখন ট্রাকক ঘৰলৈ ৰূপান্তৰিত কৰে মাট্টুই।
কেৱল বিক্ষোভেই নহয়, কেণ্টিনো চলায় তেওঁ। নাম গুৰুদ্বাৰ চাহিব ৰিভাৰছাইড কেলিফোর্নিয়া কেণ্টিন সেৱা। সমগ্ৰ দিন ধৰি কৃষকসকলক চাহ, পকোড়া আদি বিলায়। দৈনিক প্ৰায় ১০ হাজাৰ লোকক এই ‘সেৱা’ প্ৰদান কৰে মাট্টুহতে। সপৰিয়ালে ৰান্ধে আৰু সহায় কৰে কৰ্মচাৰীসকলেও।