কৰিমগঞ্জত সংঘটিত হৈছে এক লোমহৰ্ষক ঘটনাঃ ঠিকাদাৰক প্ৰাণে মৰাৰ চেষ্টা

নিউজ ডেস্কঃ

কৰিমগঞ্জৰ Settlement ত এক লোমহৰ্ষক ঘটনা সংঘটিত হৈছে। নিজ বাসগৃহত সোমাই এজন ঠিকাদাৰক দূষ্কৃতি কাৰীয়ে প্ৰাণে মৰাৰ চেষ্টা কৰে আৰু ঘটনা সংঘটিত কৰিয়ে পলায়ন কৰে দূষ্কৃতিকাৰীটো। স্থানীয় ৰাইজে ঠিকাদাৰ গৰাকীক অতি সংকট জনক অৱস্থাত কৰিমগঞ্জ অসামৰিক চিকিৎসালয়লৈ লৈ যায় যদিও উক্ত চিকিৎসালয় খনৰ কৰ্তৃপক্ষই উন্নত চিকিৎসাৰ বাবে তেওঁক প্ৰেৰণ কৰে শিলচৰ মেডিকেল কলেজলৈ।

কিন্তু এইখিনিতে ঘটে আন এক অঘটন; শিলচৰ মেডিকেল কলেজলৈ লৈ যাবলৈ কৰিমগঞ্জ অসামৰিক চিকিৎসালয়ত নাছিল এখনো এম্বুলেন্স। ব্যক্তিগত এম্বুলেন্স উপস্থিত আছিল যদিও তাত চালক নথকাৰ ফলত সেই হাস্পাতালতেই ৰোগীৰ সৈতে আত্মীয়সকলে এক দীঘলীয়া সময় অপেক্ষা কৰিবলগীয়া হয়। এম্বুলেন্স নথকাৰ ফলতেই আত্মীয়ই তাত এক উত্তেজনাময় পৰিস্থিতিৰ সৃষ্টি কৰে আৰু কৰিমগঞ্জ অসামৰিক চিকিৎসালয়ৰ কৰ্তৃপক্ষৰ ওপৰত নিজ ক্ষোভ ব্যক্ত কৰি এম্বুলেঞ্চ ভঙাৰ চেষ্টা কৰে। পিছলৈ এখন ব্যক্তিগত বাহন লৈ ৰোগীক প্ৰেৰণ কৰা হয় শিলচৰ মেডিকেল কলেজত। আনহাতে, ঠিকাদাৰক হত্যা কৰিবলৈ অহা ঘটনা সন্দৰ্ভত আৰক্ষীয়ে আৰম্ভ কৰিছে তদন্ত।