নিউজ ডেস্কঃ
কেন্দ্রীয় স্বাস্থ্য মন্ত্ৰালয়ৰ পৰিসংখ্যা অনুসৰি, বিগত ২৪ ঘণ্টাত দেশত কৰোনাত আক্রান্ত হৈছে ১০ হাজাৰ ৫৮৪ জন। ইয়াকে লৈ মুঠ আক্রান্ত হ’ল ১ কোটি ১০ লক্ষ ১৬ হাজাৰ ৪৩৪ জন। মুঠ আক্রান্তৰ হিচাবত বিশ্বত প্রথম স্থানত থকা আমেৰিকাত এতিয়ালৈকে আক্রান্ত হৈছে ২ কোটি ৮১ লক্ষ। তৃতীয় স্থানত থকা ব্রাজিলত মুঠ আক্রান্ত ১ কোটি পাৰ হৈছে।
আনহাতে, দেশত মুঠ মৃত্যুৰ সংখ্যা হৈছে ১ লক্ষ ৫৬ হাজাৰ ৪৬৩ জন। ইয়াৰ ভিতৰত ৫১ হাজাৰ ৮০৬ জনৰ মৃত্যু হৈছে কেৱল মহাৰাষ্ট্রতেই। কর্নাটক আৰু তামিলনাডুত মুঠ মৃত্যু ১২ হাজাৰৰো বেছি। দিল্লী,পশ্চিমবঙ্গতো ১০ হাজাৰ অতিক্ৰম কৰিছে।
ইতিমধ্যে দেশত ১ কোটি ৭ লক্ষ ১২ হাজাৰ ৬৬৫ জন সুস্থ হৈছে। বিগত ২৪ ঘণ্টাত সুস্থ হৈছে ১৩ হাজাৰ ২৫৫ জন। দেশৰ মুঠ আক্রান্তৰ ৯৭.২৫ শতাংশই সুস্থ হৈছে। বিগত ২৪ ঘণ্টাত সংক্রমণ হাৰ ১.৫৬ শতাংশ। কৰোনা পৰীক্ষা হৈছে ৬ লক্ষ ৭৮ হাজাৰ ৬৮৫ জনৰ।