নিউজ ডেস্কঃ
কৰোনাৰ ফলত আত্মহত্যাৰ হাৰ বৃদ্ধি পোৱা বুলি সমীক্ষাত প্ৰকাশ পাইছে। দীর্ঘদিন লকডাউনৰ কাৰণে বিশ্ব অর্থনীতি মুখ থেকেচা খাই পৰাত হতাশা বাঢ়িছে বহুতৰে। চাকৰি হেৰুৱাইছে বহু লোকে। তাৰ উপৰি দিন ভিক্ষা প্ৰাণ ৰক্ষা কৰাসকলৰ দুর্দশাতো আছেই। গৱেষণাই কৈছে, ইয়াৰ কাৰণে আৰু ইমান দিন গৃহবন্দী হৈ থকাত অৱসাদগ্রস্ত হৈ পৰিছে বহু লোক।
সঠিক সহায়তাৰ অভাৱত আত্মহত্যাৰ দিশে মানুহ আগবাঢ়িছে। সেয়ে তেনে ব্যক্তিসকলক সঠিক সহায়ৰ বাবে
ব্রিটেইনৰ পিছত এইবাৰ জাপানৰ প্রধানমন্ত্রী ইয়োচিহিদে ছুগাই একাকীত্ব মন্ত্ৰালয়ৰ কথা ঘোষণা কৰে। দেশৰ প্রথম একাকীত্ব মন্ত্রী হয় তেতছুচি ছাকামোতো। জাপানৰ এই উদ্যোগক সাধুবাদ জনাইছে দেশ-বিদেশৰ মানুহে।
আধুনিক যুগত ব্যস্ততা বঢ়াৰ লগে লগে মানুহৰ অকলশৰীয়া অৰ্থাৎ একাকীত্ব আৰু অৱসাদত ভোগাৰ হাৰ বৃদ্ধি পাইছে বুলি জনাইছে মনোবিদসকলে। গৱেষণা মতে, ১১ বছৰৰ ভিতৰত কৰোনা পৰিস্থিতিত আত্মহত্যাৰ হাৰ কেইবাগুণো বাঢ়িছে জাপানত। এই প্রসঙ্গত তেতছুচি ছাকামোতোই কয়, “অৱসাদ, একাকীত্ব আঁতৰাবলৈ যিধৰণৰ প্রয়োজনীয় পদক্ষেপ লোৱাটো জৰুৰী, সেই সকলো ব্যৱস্থা অতি শীঘ্ৰেই কৰা হ’ব।”
Total views : 2183788
Who's Online : 12
