জনপ্ৰিয় অভিনেতা প্ৰভাস (Prabhash) অভিনীত “আদিপুৰুষ’ (Adipurush) চলিত বৰ্ষত মুক্তিপাবলগীয়া এনে এখন ছবি যাৰ বাবে দৰ্শক বিগত বহু সময়ৰ পৰা অধীৰ আগ্ৰহেৰে অপেক্ষা কৰি আছে। ‘তানাজী’ ৰ দৰে এখন হিট ছবি নিৰ্মাণ কৰা পৰিচালক ওম ৰাউতে (Om Raut) চিনেমাৰ আধুনিক প্ৰযুক্তিৰে প্ৰভু শ্ৰীৰামৰ জীৱনগাঁথাক ৰূপালী পৰ্দালৈ লৈ আনিছে। অজয় দেৱগন (Ajay Devgan) অভিনীত ‘তানাজী’ পৰিচালক ওম ৰাউতৰ প্ৰথম খন ছবি আছিল। প্ৰথম হ’লেও ছবিখনত তেওঁ প্ৰমাণ কৰিছিল যে তেওঁৰ এক বিশাল দৃষ্টিশক্তি আৰু দৃঢ় প্ৰযুক্তিক পৰ্দালৈ লৈ অনাৰ সম্পূৰ্ণ ক্ষমতা আছে।
ওম ৰাউতে ‘আদিপুৰুষ’ ছবিখনৰ ঘোষণা কৰাৰ পিছৰে পৰা অনুৰাগীসকলে ৰামায়ণৰ কাহিনীভাগক তেওঁৰ বিশাল দৃষ্টিত চাবলৈ আগ্ৰহী আছিল। ইয়াৰোপৰি, প্ৰভু শ্ৰীৰামৰ ওপৰত আধাৰিত চৰিত্ৰটোত প্ৰভাস অভিনীত বুলি জানিবলৈ পাৰি দৰ্শক সকল আৰু অধিক উৎসাহিত হৈ পৰিছে। ছবিখনৰ নতুন টিজাৰ আৰু একচন ট্ৰেইলাৰে জনপ্ৰিয়তা বুটলিছে। ছবিখনৰ বাবে আগতীয়া বুকিং বিগত দেওবাৰৰ পৰা আৰম্ভ হৈছে। প্ৰাৰম্ভিক প্ৰৱণতাই কৈছে যে যিকোনো ক্ষেত্ৰতে ‘আদিপুৰুষ’ ক আটাইতকৈ ডাঙৰ চলচ্চিত্ৰৰ তালিকাত অন্তৰ্ভুক্ত কৰা হ’ব।
