Rajasthan woman ties rakhi on second husband I দ্বিতীয় স্বামীৰ হাতত ৰাখী বান্ধি পলায়ন যুৱতীৰ

যুৱতীগৰাকীয়ে নিজৰ ইচ্ছামতে বিয়া পাতিছিল। কিন্তু সেই দৰা পিতৃৰ‌ পছন্দৰ নাছিল। গতিকে কন্যাক দ্বিতীয়বাৰৰ বাবে বিয়া পাতিবলৈ বাধ্য কৰা বুলি অভিযোগ উত্থাপন হৈছে। কিন্তু যুৱতীগৰাকীয়ে দ্বিতীয় স্বামীৰ হাতত ৰাখী বান্ধি পলাই যায় (Forced to remarry, Rajasthan woman ties rakhi on second husband)।

আৰক্ষীৰ তথ্য অনুসৰি, যুৱতীগৰাকী ৰাজস্থানৰ বাসিন্দা (Rajasthan)। সৰুৰে পৰাই স্কুলৰ সহপাঠীৰ লগত প্ৰেমৰ সম্পৰ্ক গঢ়ি তুলিছিল। কলেজ শেষ কৰাৰ পিছত তেওঁলোকে বিয়া হোৱাৰ সিদ্ধান্ত লʼলে। কিন্তু ছোৱালীজনীৰ পৰিয়ালে তেওঁলোকৰ সম্পৰ্কক মানি লʼব বিচৰা নাছিল। কিন্তু তেওঁলোকে বিয়া পাতিলে। আনহাতে, বিয়াৰ পিছত তেওঁলোকক বলপূৰ্বকভাৱে পৃথক কৰা বুলি অভিযোগ উঠিছে। ছোৱালীজনীৰ পিতৃয়ে কেইবামাহো কন্যাক বন্দী কৰি ৰখাৰো অভিযোগ।

যুৱক-যুৱতী দুয়ো বেলেগ সম্প্ৰদায়ৰ হোৱাৰ বাবে পিতৃয়ে আপত্তি কৰে। ইয়াৰ পিছত তেওঁ জীয়েকক ছত্তীশগড়ৰ এজন যুৱকৰ লগত বিয়া দি দিয়ে। যুৱতীগৰাকীয়ে অৱশ্যে দ্বিতীয়বাৰ বলপূৰ্বকভাৱে বিয়া দিয়ে বুলি অভিযোগ কৰে। অৱশ্যে তেওঁ পুৰণি সম্পৰ্কটো দ্বিতীয় স্বামীৰ পৰা লুকুৱাই ৰখা নাছিল। সেয়ে তেওঁৰ দ্বিতীয় স্বামীৰ হাতত ৰাখী বান্ধি দিয়ে। ৰাখী বন্ধনে সাধাৰণতে ভাই-ভনীৰ সম্পৰ্কৰ স্বীকৃতি বহন কৰে।

আনহাতে, যুৱতীগৰাকীয়ে দ্বিতীয় স্বামীৰ বিৰুদ্ধে ঘৰুৱা হিংসাৰ অভিযোগো উত্থাপন কৰিছে। ইয়াৰ পিছত দ্বিতীয় স্বামীৰ ঘৰৰ পৰা ওলাই আহি প্ৰথম স্বামীৰ লগত যোগাযোগ কৰে। তেওঁ আৰক্ষীৰ সহায়ো বিচাৰে। যুৱতীগৰাকীয়ে ছচিয়েল মিডিয়াতো নিজৰ অৱস্থাৰ বৰ্ণনা কৰি এটা দীঘলীয়া পোষ্ট কৰে। তাৰ পিছত পোষ্টটো বিয়পিবলৈ বেছি সময় নালাগিল। এই সন্দৰ্ভত যুৱতীগৰাকীৰ দ্বিতীয় স্বামীয়ে অভিযোগ কৰে যে তেওঁক ফচাবলৈ চেষ্টা কৰা হৈছে। যুৱতীগৰাকীক বিয়াৰ পূৰ্বে প্ৰথম বিবাহৰ বিষয়ে অৱগত কৰা হোৱা নাছিল।

জানিলে বিয়াখন জোৰকৈ নকৰিলেহেঁতেন। যুৱতীগৰাকীৰ ওপৰত নিৰ্যাতনৰ অভিযোগো তেওঁ অস্বীকাৰ কৰে। অঞ্চলটোৰ অন্তৰ্গত থানাৰ ভাৰপ্ৰাপ্ত বিষয়াগৰাকীয়ে জানিবলৈ দিয়া মতে, তেওঁলোকে যুৱতীগৰাকীক উদ্ধাৰ কৰিছে। বৰ্তমান তেওঁক ছত্তীশগড়ৰ পিতৃৰ ঘৰলৈ ঘূৰাই পঠিওৱা হৈছে।