Illegal love affair I পত্নীৰ অবৈধ প্ৰেমিকৰ ৰক্তপান কৰিলে স্বামীয়ে!

পত্নীৰ সৈতে বিবাহ বহিৰ্ভূত প্ৰেমৰ সম্পৰ্ক ( Illegal love affair)স্থাপন কৰিছিল। সেয়ে প্ৰতিশোধ ল’বলৈ স্বামীয়ে যুৱকজনৰ ডিঙি কাটি ৰক্তপান কৰে। কেৱল সেয়াই নহয়, অভিযুক্ত ব্যক্তিজনে সমগ্ৰ ঘটনাৰ ভিডিঅʼ কৰি বন্ধুক দিয়ে। কৰ্ণাটকৰ চিকবল্লাপুৰা জিলা (Karnataka’s Chikkaballapur) এনে এক নৃশংস ঘটনাৰ সাক্ষী হয়। এই ভিডিঅʼটো ছচিয়েল মিডিয়াত ভাইৰেল হোৱাৰ পিছতে আৰক্ষীয়ে তদন্ত আৰম্ভ কৰে। অভিযুক্তক গ্ৰেপ্তাৰ কৰা হৈছে। বৰ্তমান আক্ৰান্ত ব্যক্তি আৰোগ্য লাভ কৰি ঘৰলৈ উভতিছে।

আৰক্ষীৰ সূত্ৰ অনুসৰি, কৰ্ণাটকৰ চিকবল্লাপুৰা জিলাৰ চিন্তামণি তালুকত বিজয় নামৰ এজন লোকে মৰেছ নামৰ এজন লোকৰ ডিঙিৰ একাংশ কাটি পেলায়। ভাইৰেল ভিডিঅʼটোত দেখা গৈছে যে ব্যক্তিজনে বিষত চিঞৰিবলৈ ধৰিছে। বিজয় নামৰ ব্যক্তিজনে তেওঁৰ ওপৰত জপিয়াই পৰি ৰক্তপান কৰা দেখা গৈছে।

১৯ জুনত বিজয় বন্ধুৰ সৈতে স্থানীয় হাবিলৈ যায়। মৰেছক তালৈ মাতি অনা হয়। বিজয়ে যেতিয়া মৰেছৰ ৰক্তপান কৰাত ব্যস্ত আছিল, তেতিয়া বন্ধুজনে সমগ্ৰ ঘটনাটো ভিডিঅ’ কৰি আছিল। অৱশ্যে ডিঙিত আঘাত পোৱাৰ পিছতো আহত যুৱকজন ৰক্ষা পৰে। তেওঁক স্থানীয় চিকিৎসালয়ত ভৰ্তি কৰোৱা হয়। সুস্থ হোৱাৰ পিছত তেওঁক ঘৰলৈ যাবলৈ দিয়া হয়। আৰক্ষীয়ে গোচৰ ৰুজু কৰি ঘটনাৰ তদন্ত আৰম্ভ কৰিছে। লগতে অভিযুক্তক গ্ৰেপ্তাৰ কৰা হৈছে।