বিমানত সোণ সৰবৰাহ কৰি থকা অৱস্থাত এজন যাত্ৰীক আটক কৰে শুল্ক বিষয়াই। চৰকাৰী সূত্ৰ অনুসৰি, ব্যক্তিজনে চাড়ে পাঁচ কিলোগ্ৰাম ওজনৰ সোণ সৰবৰাহ কৰিছিল। বৃহস্পতিবাৰে গুজৰাটৰ আহমেদাবাদৰ (Ahmedabad in Gujarat) চৰ্দাৰ বল্লভভাই পেটেল আন্তঃৰাষ্ট্ৰীয় বিমানবন্দৰত (Sardar Vallabhbhai Patel International Airport) সংঘটিত হয় এই ঘটনা।
সূত্ৰৰ পৰা জানিব পৰা মতে, যাত্ৰীজনক সন্দেহজনক আচৰণ দেখি বিমানবন্দৰৰ পৰা আটক কৰা হয়। পৰীক্ষাৰ পিছত দেখা যায় যাত্ৰীজনে মলদ্বাৰৰ ভিতৰত সোণ (Gold inside passenger’s anus) ৰাখিছে। সোণৰ পেষ্ট বনাই মলদ্বাৰত ভৰাই ৰাখিছিল।
বিষয়াৰ হাতত ধৰা পৰাত তেওঁক চিকিৎসালয়লৈ লৈ যোৱা হয়। অস্ত্ৰোপচাৰ কৰি সোণখিনি উদ্ধাৰ কৰা হয়। বিষয়াসকলে জনোৱা মতে, সোণখিনিৰ ওজন চাড়ে পাঁচ কিলোগ্ৰাম (5.5 kilograms of weight)। চোৰাং ব্যৱসায়ীয়ে সাধাৰণতে চিচিটিভি কেমেৰা, মিক্সাৰ গ্ৰাইণ্ডাৰ, বৈদ্যুতিক কেটলিৰ ভিতৰত সোণ সৰবৰাহ কৰিবলৈ চেষ্টা কৰে।
বহুতে সোণৰ পেষ্ট বনাই কাপোৰ বা শৰীৰৰ ভিতৰত ৰাখি সোণৰ চোৰাং ব্যৱসায় কৰে।কিন্তু এনে ধৰণে চোৰাং সৰবৰাহ খুব কমেইহে হয়। উল্লেখযোগ্য যে চলিত বিত্তীয় বৰ্ষত এতিয়ালৈকে চোৰাং ব্যৱসায়ৰ সময়ত ১০০ কেজি ওজনৰ সোণ উদ্ধাৰ কৰা হৈছে।
