ভয়ংকৰ ভূমিস্খলনৰ কবলত মেঘালয়ৰ শিলচৰ-গুৱাহাটী সংযোগী পথ (Silchar-Guwahati link road due to landslide)। যাৰ বাবে অনিৰ্দিষ্টকালৰ বাবে বন্ধ হৈ পৰিল ৬ নম্বৰ ৰাষ্ট্ৰীয় ঘাইপথ৷ এই ঘাইপথটোৰে বাহন চলাচলত নিষেধাজ্ঞা জাৰি মেঘালয় প্ৰশাসনৰ৷ মেঘালয়ৰ লুমছুনোং অঞ্চলত সংঘটিত হয় এই ভূমিস্খলনৰ ঘটনা।
যাৰ বাবে পথছোৱাৰে বাহন চলাচল ব্যাহত হৈ পৰিছে৷ মেঘালয়ৰ পূব জয়ন্তীয়া পাহাৰ জিলা উপায়ুক্তই এক নিৰ্দেশযোগে এই নিষেধাজ্ঞা জাৰি কৰিছে৷ পৰৱৰ্তী নিৰ্দেশ নিদিয়া পৰ্যন্ত এই নিৰ্দেশ জাৰি থাকিব বুলিও জনাইছে মেঘালয় প্ৰশাসনে৷ অৱশ্যে বাইক আৰু লঘু বাহনসমূহ ষ্টাৰ চিমেণ্ট কাৰখানাৰ (Star Cement Factory) পথেৰে চলাচল কৰিব পাৰিব বুলিও জনোৱা হৈছে৷
