বৃহস্পতিবাৰে নলবাৰীত অনুষ্ঠিত হয় ৰাজ্য চৰকাৰৰ ১৪ সংখ্যক কেবিনেট (Assam Cabinet) বৈঠক। এই কেবিনেটত গ্ৰহণ কৰা সিদ্ধান্তসমূহৰ কথা মুখ্যমন্ত্ৰীয়ে সংবাদ মাধ্যমৰ আগত প্ৰকাশ কৰে। আজিৰ কেবিনেটত কি কি সিদ্ধান্ত গ্ৰহণ কৰা হ’ল :
– নতুনকৈ ৩৫ হাজাৰ শিক্ষক পদ সৃষ্টিৰ সিদ্ধান্ত৷ ইয়াৰ দ্বাৰা সৰ্বশিক্ষাত কৰ্মৰত অনিয়মীয়া শিক্ষকসকলে নতুন পদত আবেদনৰ সুবিধা লাভ কৰিব৷ ইয়াৰ দ্বাৰা ৩৫ হাজাৰ অনিয়মীয়া শিক্ষকৰ পদ বিলুপ্ত কৰাৰ সিদ্ধান্ত৷
– পৰিবহণ বিভাগ আৰু যান-বাহন শাখাৰ আৰক্ষীয়ে হেলমেট নিপিন্ধাৰ বাহিৰে বাইক আৰোহীৰ পৰা আন কাৰণত জৰিমনা বিহিব নোৱাৰিব৷
– কৰিমগঞ্জত পানীযোগান আঁচনিৰ বাবে ৮১ কোটি আৰু হাইলাকান্দিৰ বাবে ৭২ কোটিৰ অনুমোদন। গুৱাহাটীৰ আজাৰাত সভাঘৰ আৰু ডিব্ৰুগড়ৰ ইস্কন মন্দিৰৰ বাবে ভূমি আবণ্টন।
– কেবিনেট বৈঠকত পঞ্চায়ত আৰু গ্ৰামোন্নয়নত কৰ্মৰত অভিযন্তাৰ পদোন্নতিত অনুমোদন। পঞ্চায়ত আৰু গ্ৰামোন্নয়নৰ সৰু সৰু বজাৰ ডাকত দিয়াৰ ব্যৱস্থাৰ অৱসান৷ বিভাগীয় মন্ত্ৰী ৰণজিৎ কুমাৰ দাসৰ অধ্যক্ষতাত উপ-সমিতিয়ে বজাৰ নিলামত দিয়া ব্যৱস্থা বন্ধ কৰিব।
– নলবাৰীৰ ৩৪৭ গৰাকী অ’ বি বি শিক্ষকক মুখ্যমন্ত্ৰীৰ বিশেষ আঁচনিৰ অধীনত ২ লাখ টকাকৈ সাহায্য। নলবাৰীৰ ঐতিহাসিক হৰিমন্দিৰ, বিল্বেশ্বৰ দেৱালয়, বালিলেচাৰ শ্ৰীশ্ৰী কালী দেৱালয় আৰু বাঘেশ্বৰী মন্দিৰৰ উন্নয়নৰ বাবে ১২ কোটি টকাৰ অনুমোদন৷
– নলবাৰীত নতুন আৱৰ্ত ভৱন নিৰ্মাণত অনুমোদন। এম এন চিত বিজ্ঞান শাখা, বৰক্ষেত্ৰী মুকালমুৱা আৱাস স্কুলৰ ঠাইত স্নাতক মহাবিদ্যালয় স্থাপনৰ সিদ্ধান্ত
– পশ্চিম নলবাৰীৰ বান সমস্যা সমাধান কৰাৰ বাবে বুঢ়াদিয়া আৰু মৰাপাগলাদিয়া নদীত ১৯ কিলোমিটাৰ নতুন মথাউৰি নিৰ্মাণৰ সিদ্ধান্ত।
– নলবাৰী মেডিকেল কলেজলৈ ৰাষ্ট্ৰীয় ঘাইপথত উৰণ সেতু নিৰ্মাণ, ষ্টেডিয়াম নিৰ্মাণ, ধমধমাত দক্ষতা বিকাশ প্ৰকল্প নিৰ্মাণত অনুমোদন৷
– শৰণীয়া কছাৰীসকলক বড়ো সম্প্ৰদায়ৰ প্ৰমাণ-পত্ৰ প্ৰদানৰ সিদ্ধান্ত৷
– সাংবাদিকক পেন্সন দিয়াৰ ব্যৱস্থা কৰা হ’ব বুলিও মুখ্যমন্ত্ৰীৰ ঘোষণা৷
–
