পাকিস্তানৰ চোৰাংচোৱা সংস্থা আই এছ আয়ে জম্মু-কাশ্মীৰত (JK High Alert) আক্ৰমণৰ পৰিকল্পনা কৰিছে। সন্ত্ৰাসবাদীয়ে বিশেষকৈ শ্ৰীনগৰ আৰু গেণ্ডৰবালক আক্ৰমণৰ স্থান হিচাপে বাছি ল’ব পাৰে। এইবাৰ লক্ষ্য ৰে’লৱে, কাশ্মীৰী পণ্ডিত, প্ৰব্ৰজিত শ্ৰমিক আৰু আৰক্ষী। চোৰাংচোৱাৰ সতৰ্কবাণীৰ পিছত সমগ্ৰ কাশ্মীৰত হাই এলাৰ্ট জাৰি কৰা হৈছে।
লগতে সহযোগী চোৰাংচোৱা ব্যুৰো (এছ আই বি) আৰু ৰে’লৱে সুৰক্ষা বাহিনী (আৰ পি এফ) উত্তৰ ৰে’লৱেয়ো এক অধিসূচনা জাৰি কৰিছে। আৰ পি এফৰ এজন শীৰ্ষ বিষয়াই দাবী কৰিছে যে অকাশ্মীৰী লোক, আৰক্ষী, আৰু কাশ্মীৰী পণ্ডিতক লক্ষ্য কৰি লোৱা হ’ব পাৰে। বিশেষকৈ শ্ৰীনগৰ আৰু গণ্ডাৰবলত।
সূত্ৰৰ পৰা জানিব পৰা মতে, ২১ এপ্ৰিলৰ সন্ধিয়া বান্দিপোৰাত ৰে’ল লাইনৰ কাষেৰে খোজকাঢ়ি যোৱা অৱস্থাত হাশ্বাৰ পাৰে ওৰফে হামজা নামৰ এজন স্থানীয় সন্ত্ৰাসবাদীক দেখা গৈছিল।
বাৰামুল্লা জিলাৰ ক্ৰীৰি গাঁৱৰ পৰা পট্টন অভিমুখে গৈ থকা দেখা গৈছিল তেওঁক। হামজাৰ সৈতে সন্ত্ৰাসবাদীক সমৰ্থন কৰা আন এজন ব্যক্তিও আছিল। সূত্ৰই দাবী কৰিছে যে দুয়োজনেই অস্ত্ৰধাৰী আছিল।
আৰ পি এফৰ সূত্ৰটোৱে দাবী কৰিছে যে নিৰ্ভৰযোগ্য সূত্ৰ আৰু চোৰাংচোৱা সংস্থাই জনাইছে যে সন্ত্ৰাসবাদীয়ে নিৰাপত্তা বাহিনী আৰু অনা কাশ্মীৰীক লক্ষ্য কৰি ল’ব পাৰে। আৰু এই আক্ৰমণৰ পৰিকল্পনা কৰিছে পাকিস্তানী চোৰাংচোৱা সংস্থা আই এছ আয়ে।
উত্তৰ, মধ্য আৰু দক্ষিণ কাশ্মীৰত সন্ত্ৰাসবাদী সক্ৰিয় হৈ পৰা বুলি লগতে সতৰ্কবাণী জাৰি কৰা হৈছে।
কাশ্মীৰত প্ৰব্ৰজিত ৰে’ল শ্ৰমিকৰ ওপৰত আক্ৰমণৰ আশংকা প্ৰকাশ কৰিছে। প্ৰয়োজন নহ’লে আৰ পি এফৰ বেৰেকৰ পৰা ওলাই নাযাবলৈ আৰ পি এফ জোৱান আৰু বিষয়াসকলক নিৰ্দেশনা জাৰি কৰা হৈছে।
