প্ৰয়াত আয়াতুল্লাহ আলী খামেইনিৰ উত্তৰাধিকাৰী (Khamenei’s successor) যিয়ে হ’ব তেওঁকে হত্যা কৰা হ’ব (Will be killed)! ইৰাণক এনেদৰে সকীয়াই দিলে ইজৰাইলে (Israel’s threat to Iran)। বুধবাৰে ইজৰাইলৰ প্ৰতিৰক্ষা মন্ত্ৰী ইজৰাইল কাটজে ছ’চিয়েল মিডিয়াত পোষ্ট কৰি কয় যে ইৰাণৰ সন্ত্ৰাসবাদী গোটে যাক নেতা হিচাপে নিযুক্তি দিব তেওঁ ইজৰাইলক ধ্বংস কৰাৰ পৰিকল্পনা কৰিব। সেইবাবেই তেওঁ ইজৰাইলে তেওঁক বধ কৰিব।
ইজৰাইলৰ প্ৰতিৰক্ষা মন্ত্ৰীয়ে লগতে কয় যে পৰৱৰ্তী ধৰ্মীয় নেতাৰ নাম যিয়েই নহওক কিয়, বা তেওঁ য’তেই লুকাই নাথাকক, তেওঁক হত্যা কৰা হ’ব। কাটজেৰ মতে, নতুন নেতাই কেৱল ইজৰাইলৰ ক্ষতি কৰাই নহয়, আমেৰিকাক ভাবুকি দিব আৰু ইৰাণৰ সাধাৰণ জনতাক অত্যাচাৰ কৰিব। সেয়ে বেঞ্জামিন নেতানিয়াহু চৰকাৰৰ এই মন্ত্ৰীজনে স্পষ্ট কৰি দিছে যে তেওঁলোকে ইৰাণত কোনো নতুন নেতাক উঠিবলৈ নিদিয়ে।
তেওঁ কয়, “প্ৰধানমন্ত্ৰী (নেতানিয়াহু) আৰু মই ইজৰাইলৰ প্ৰতিৰক্ষা বাহিনীক সাজু হ’বলৈ কৈছো। সেয়েহে সেই উদ্দেশ্যে (পৰৱৰ্তী ধৰ্মগুৰুক হত্যা কৰিবলৈ) প্ৰয়োজনীয় সকলো পদক্ষেপ গ্ৰহণ কৰা হৈছে।” তেওঁ লগতে কয়, “আমাৰ আমেৰিকান অংশীদাৰসকলৰ সহায়ত আমি সম্পূৰ্ণ জোৰদাৰভাৱে অভিযান অব্যাহত ৰাখিম আৰু সেই (ইৰাণৰ) যুগটো ধ্বংস কৰিম।”
উল্লেখযোগ্য যে মঙলবাৰে ইৰাণৰ এক সংবাদ মাধ্যমৰ সূত্ৰই প্ৰকাশ কৰা অনুসৰি, খামেইনিৰ দ্বিতীয় পুত্ৰ মোজতাবা খামেইনিক দেশৰ পৰৱৰ্তী সৰ্বোচ্চ নেতা হিচাপে নিৰ্বাচিত কৰা হৈছে। ইৰাণৰ তিনিজনীয়া অন্তৱৰ্তীকালীন পৰিষদে এই নিৰ্বাচন কৰে। যোৱা শনিবাৰে আমেৰিকা আৰু ইজৰাইলৰ আক্ৰমণত নিহত হৈছিল খামেইনি। তেতিয়াৰ পৰাই ইৰাণৰ পৰৱৰ্তী সৰ্বোচ্চ নেতা কোন হ’ব সেই সম্পৰ্কে জল্পনা-কল্পনাৰ সৃষ্টি হৈছে। কেইবাটাও নাম আহি আছে। প্ৰথম অৱস্থাত তেহৰানে ৰাষ্ট্ৰপতি মাছুদ পেজেছকিয়ানৰ নেতৃত্বত তিনিজনীয়া পৰিষদ গঠন কৰে। তেওঁলোকক শাসনৰ অন্তৱৰ্তীকালীন দায়িত্ব দিয়া হয়। অন্তৱৰ্তীকালীন সৰ্বোচ্চ নেতা হিচাপে নিযুক্তি দিয়া হয় আলিৰেজা আৰাফীক। প্ৰতিবেদনত দাবী কৰা হৈছে যে তেতিয়াই খামেইনিৰ পুত্ৰক তেওঁৰ উত্তৰাধিকাৰী হিচাপে নিৰ্বাচিত কৰা হৈছে।
কিন্তু তাৎপৰ্যপূৰ্ণভাৱে খামেইনিৰ উত্তৰাধিকাৰীৰ নাম ওলোৱাৰ লগে লগে ইজৰাইলে তেওঁক হত্যা কৰাৰ বাৰ্তা প্ৰেৰণ কৰে।
