গুজৰাট উচ্চ ন্যায়ালয়ে (Gujarat High Court) আহমেদাবাদৰ ধাৰাবাহিক বিস্ফোৰণ (Ahmedabad Serial explosions Case)ৰ গোচৰত ৩৮ জন লোকৰ মৃত্যুদণ্ড গৃহীত (Death sentences 38 people) কৰিছে। আনহাতে, ১১ জন দোষীৰ যাৱজ্জীৱন কাৰাদণ্ডও বাহাল ৰখা হয়। আটাইকেইজন দোষী সন্ত্ৰাসবাদী সংগঠন ইণ্ডিয়ান মুজাহিদীনৰ (আই এম) সদস্য।
২০০৮ চনৰ ২৬ জুলাইত ২১টা ধাৰাবাহিক বিস্ফোৰণে আহমেদাবাদক জোকাৰি গৈছিল। এই আক্ৰমণত মুঠ ৫৬ জন লোক নিহত হয়। আহত হয় ২০০ৰো অধিক। বিস্ফোৰণৰ মূল লক্ষ্য আছিল আহমেদাবাদৰ চিকিৎসালয়সমূহ।
ইণ্ডিয়ান মুজাহিদীনে এই ধাৰাবাহিক আক্ৰমণৰ দায়িত্ব স্বীকাৰ কৰে। তদন্তত প্ৰকাশ পাইছে যে ২০০৭ চনৰ ডিচেম্বৰ মাহত কেৰালাৰ এৰ্নাকুলামত নিষিদ্ধ ষ্টুডেণ্ট ইছলামিক মুভমেণ্ট অব ইণ্ডিয়াৰ (চিমি) গোপন শিবিৰত বোমা বিস্ফোৰণৰ ষড়যন্ত্ৰ ৰচনা কৰা হৈছিল। ২০০৮ চনৰ ২৬ জুলাইৰ সন্ধিয়া প্ৰায় এঘণ্টাৰ ভিতৰতে আহমেদাবাদৰ বিভিন্ন প্ৰান্তত মুঠ ২১টা বিস্ফোৰণ সংঘটিত হয়।
পিছত বিস্ফোৰণৰ তদন্তত ৪৯ জন অভিযুক্তৰ নাম পোহৰলৈ আহে। আহমেদাবাদ আৰু চুৰাটত অভিযুক্তৰ বিৰুদ্ধে ৩৫টা বিভিন্ন গোচৰ ৰুজু কৰা হয়। ইয়াৰে ২০ জন আহমেদাবাদত আৰু ১৫ টা চুৰাটত। বিস্ফোৰণৰ কেইদিনমান পিছতে মহানগৰীৰ বিভিন্ন প্ৰান্তৰ পৰা ২৯টা সজীৱ বোমা উদ্ধাৰ কৰা হয়।
এই আক্ৰমণৰ ১৪ বছৰৰ পাছত ২০২২ চনৰ ফেব্ৰুৱাৰী মাহত আহমেদাবাদৰ এখন বিশেষ আদালতে ৪৯ জন অভিযুক্তৰ আটাইকে দোষী সাব্যস্ত কৰে। বিশেষ আদালতে ইয়াৰে ৩৮ জনৰ মৃত্যুদণ্ড আৰু ১১ জনক যাৱজ্জীৱন কাৰাদণ্ডৰ নিৰ্দেশ দিয়ে। নিম্ন আদালতৰ ৰায়ক প্ৰত্যাহ্বান জনাই আহমেদাবাদ উচ্চ ন্যায়ালয়ৰ কাষ চাপিছিল অভিযুক্তই। এইবাৰ উচ্চ ন্যায়ালয়েও একে ৰায়কে সমৰ্থন কৰে। গুজৰাট উচ্চ ন্যায়ালয়ৰ ন্যায়াধীশ এ এ ৱাই কগজে আৰু ন্যায়াধীশ সমীৰ ডেভৰ বিভাগীয় বিচাৰপীঠে অভিযুক্তৰ সকলো আবেদন খাৰিজ কৰে।
