ৰাজ্যৰ বান (Assam flood) পৰিস্থিতি কিছু উন্নত হৈছে যদিও বহু অঞ্চলৰ পানী পানী এতিয়াও সম্পূৰ্ণ শুকোৱা নাই। আনহাতে, বোকা আৰু পলসে ঘৰ-পথাৰ, ৰাস্তা-ঘাট পুতি পেলোৱা বাবে এতিয়াও বহু অঞ্চলত মানুহ তথা পশুধন আশ্ৰয় শিবিৰতে থাকিবলগীয়া হৈছে। আনহাতে, বিভিন্ন দল-সংগঠন তথা ব্যক্তি বিশেষৰ উপৰি অসম চৰকাৰ তথা কেন্দ্ৰীয় চৰকাৰৰ সাহায্য পুঁজিৰ পৰা সাহায্য প্ৰদানৰ প্ৰক্ৰিয়া চলি আছে। ইয়াৰ বাবে স্থাপন কৰা সাহায্য কেন্দ্ৰৰ পৰা সাহায্য বিতৰণ কৰি থকা হৈছে।
মুখ্যমন্ত্ৰীয়ে উল্লেখ কৰা অনুসৰি, ২৯ এপ্ৰিলৰ পৰা ৬ আগষ্টলৈকে ৰাজ্যৰ ২৫ খন জিলাত ১১,৮৪,৯৪৪ জন লোক ক্ষতিগ্ৰস্ত হৈছে৷ আনহাতে, ২৩৪ টা বান সাহায্য শিবিৰত এতিয়াও ৭৬,৮৮৫ জন লোক আছে৷ ইয়াৰ উপৰি ১,৯৫২টা সাহায্য বিতৰণ কেন্দ্ৰৰ পৰা বান সাহায্য বিতৰণ কৰি থকা হৈছে৷ আনহাতে, চলিত বানত এতিয়ালৈকে ৯৭ জন লোকৰ মৃত্যু (97 people died) হোৱাৰ বিপৰীতে ৪ জন লোক বৰ্তমানো সন্ধানহীন (Four people missing) হৈ আছে৷ ইয়াৰ উপৰি ৪০১১টা ঘৰ বানত সম্পূৰ্ণৰূপে ধ্বংস হোৱাৰ বিপৰীতে ১৩,৮৬০টা ঘৰ আংশিকভাৱে ক্ষতিগ্ৰস্ত হৈছে৷
