জীৱনৰ চৰম সিদ্ধান্ত গ্ৰহণ কৰিলে বড়োলেণ্ড টেৰিটৰিয়েল কাউন্সিল (Bodoland Territorial Council) চমুকৈ বিটিচিৰ (BTC) উপাধ্যক্ষ বিজিৎ গৌৰা নাৰ্জাৰীয়ে (Vice Chairman Bijit Gaurav Narzari)। বুধবাৰে তামুলপুৰ জিলাৰ কুমাৰীকাটাস্থিত নিজা বাসগৃহত তেওঁক চিপ লোৱা অৱস্থাত উদ্ধাৰ (Deathbody recovered) কৰা হয়। অৱশ্যে কি কাৰণত তেওঁ এই চৰম সিদ্ধান্ত গ্ৰহণ কৰিলে সেই বিষয়ে সঠিকভাৱে এতিয়াও জানিব পৰা হোৱা নাই।
আৰক্ষীয়ে ইতিমধ্যে ঘটনাটোৰ তদন্ত আৰম্ভ কৰিছে৷ উল্লেখ্য যে বিটিচিৰ ২৬নং দৰংগাজুলি পৰিষদীয় সমষ্টিৰ পাৰিষদ হৈছে বিজিৎ গৌৰা নাৰ্জাৰী। ইফালে তেওঁৰ এই আকস্মিক তেওঁৰ খবৰে সমগ্ৰ বিটিচি অঞ্চলত শোকৰ ছাঁ পেলাইছে। তেওঁৰ গভীৰ শোক প্ৰকাশ কৰি বিটিচি প্ৰধান হাগ্ৰামা মহিলাৰীয়ে কয় যে তেওঁৰ মৃত্যু সমাজ আৰু জনজীৱনৰ বাবে এক অপূৰণীয় ক্ষতি। বিজিৎ গৌৰা নাৰ্জাৰীৰ অকাল মৃত্যুত গভীৰ দুখ প্ৰকাশ কৰি তেওঁ কয় যে নাৰ্জাৰীৰ আকস্মিক মৃত্যু বিটিচিৰ সমাজ আৰু জনজীৱনৰ বাবে এক অপূৰণীয় ক্ষতি। এই কঠিন সময়ত তেওঁৰ শোকসন্তপ্ত পৰিয়াল, বন্ধু-বান্ধৱী তথা সহকৰ্মীসকললৈ বিটিচি প্ৰধানে আন্তৰিক সমবেদনা জ্ঞাপন কৰাৰ লগতে বিদেহ আত্মাৰ চিৰশান্তিৰ বাবে ভগৱানৰ ওচৰত প্ৰাৰ্থনা জনায়। আনহাতে, বিপিএফ নেতা তথা মন্ত্ৰী বিশ্বজিৎ দৈমাৰীয়েও নাৰ্জাৰীৰ মৃত্যুত শোক প্ৰকাশ কৰি কয় যে তেওঁৰ অভাৱ সমগ্ৰ অঞ্চলটোতে অনুভৱ কৰা হ’ব।
