আজি পবিত্র ৰাখী বন্ধন (Rakshya Bandhan)। এই উপলক্ষে সমগ্ৰ দেশজুৰি ভাতৃ-ভগ্নীৰ পবিত্ৰ সম্পৰ্কৰ এনাজৰী সুদৃঢ় কৰিবলৈ বিভিন্ন অনুষ্ঠানৰ আয়োজন কৰা হয়। লগতে মৰমৰ ভগ্নীসকলে চেনেহৰ ভাতৃসকলক ৰাখী পিন্ধাই আশীৰ্বাদ লয়। অসমতো আজি উলহমালহেৰে ৰাখী বন্ধন উদযাপন কৰা হয়। সমান্তৰালভাৱে কাৰ্বি আংলং জিলাৰ হাওৰাঘাটস্থিত (Howraghat of Karbi Anglong) হিডিবংলং আঞ্চলিক দুৰ্গা মন্দিৰ (Hidibonglong Anchalik Durga Mandir) প্ৰাংগণত ৰাখী বন্ধন উৎসৱ উদযাপন কৰা হয়। ‘স্বামী বিবেকানন্দ চেতনা মঞ্চ’ (Swami Vivekananda Awareness Platform) আৰু ‘তাৰচদিয়া ফাউণ্ডেশ্যন’ৰ (Tarchadiya Foundation) যুটীয়া উদ্যোগত এই ৰাখী বন্ধন উদযাপন কৰা হয়।
অনুষ্ঠানটো পৰিচালনা কৰে মুম্বাইৰ অগ্ৰণী সংস্থা ‘ট্ৰাইবেল ইণ্টেগ্ৰেটেড ডেভেলপমেণ্ট এণ্ড এডুকেশ্যন ট্ৰাষ্ট’ চমুকৈ ‘টাইড ট্ৰাষ্ট’-এ। এই উপলক্ষে হিডিবংলং আঞ্চলিক দুৰ্গা মন্দিৰ প্ৰাংগণত স্থানীয় ৰাইজ আৰু বিভিন্ন জনগোষ্ঠীৰ লোকসকল উপস্থিত থাকে। অনুষ্ঠানত পৰম্পৰা ৰক্ষা কৰি ভাতৃত্ববোধ আৰু সম্প্ৰীতিৰ এনাজৰী সুদৃঢ় কৰাৰ উদ্দেশ্যে সকলোৱে ৰাখী বান্ধি শুভেচ্ছা বিনিময় কৰে। অনুষ্ঠানত উপস্থিত থকা বিশিষ্ট ব্যক্তিসকলে সমাজত শান্তি, একতা আৰু ভাতৃত্ববোধ বৰ্তাই ৰখাৰ ক্ষেত্ৰত ৰাখী বন্ধনৰ গুৰুত্ব সন্দৰ্ভত আলোকপাত কৰে। উল্লেখ্য যে সমাজৰ সৰ্বাংগীণ উন্নয়ন আৰু সাংস্কৃতিক বিকাশৰ বাবে এই সংস্থাকেইটাই নিৰন্তৰ কাম কৰি আহিছে।
