দেৰগাঁৱৰ কৰুনাটিং চাহ বাগিচা অফিচ লাইনত মানৱ সমাজক শিহৰিত কৰা এক জঘন্য ঘটনাই তীব্ৰ চাঞ্চল্যৰ সৃষ্টি কৰিছিল। এগৰাকী কিশোৰীৰ ওপৰত পাশৱিক কাণ্ড সংঘটিত কৰিছিল কৰুণাটিং চাহ বাগিচাৰ অফিচ লাইনৰ বাসিন্দা মহেশ্বৰ মাঝিয়ে (২৩) । ঘটনা সন্দৰ্ভত পৰিয়ালৰ এজাহাৰৰ ভিত্তিত দেৰগাঁও আৰক্ষীয়ে ক্ষিপ্ৰ অভিযান চলাই প’কছো আইনৰ অধীনত অভিযুক্তক গ্ৰেপ্তাৰ কৰি জেললৈ প্ৰেৰণ কৰিছিল।
অভিযুক্তক জেল হাজোতলৈ প্ৰেৰণ কৰাত সন্তোষ্ট নাথাকি আজি কৰুণাটিং চাহ বাগিচাৰ শতাধিক পুৰুষ মহিলাই দেৰগাঁও থানাৰ সন্মুখত কণমানিগৰাকীক ন্যায় প্ৰদান কৰি নিকৃষ্ট কাণ্ড সংঘটিত কৰা মহেশ্বৰ মাঝিক ফাঁচীৰ দাবীত প্ৰতিবাদ সাব্যস্ত কৰিছে। দেৰগাঁও আৰক্ষীয়ে ভুক্তভোগী কণমানিগৰাকীক ন্যায় প্ৰদানৰ ক্ষেত্ৰত উপযুক্ত ব্যৱস্থা গ্ৰহণ কৰা হ’ব বুলি আশ্বাস প্ৰদান কৰাতহে ক্ষান্ত হয় প্ৰতিবাদকাৰীসকল।
