ASSAM TIMES POST
নিউজ ডেস্ক:
ব্ৰিটেইনত থকা বিজয় মাল্যৰ প্ৰত্যাৱৰ্তনৰ পথ কিছু পৰিমাণে প্ৰশস্ত হ’ল৷ প্ৰত্যাৱৰ্তনৰ বিৰুদ্ধে লণ্ডন উচ্চ ন্যায়ালয়ত গোচৰ তৰিছিল ৯ হাজাৰ কোটি টকাৰ ঋণত অভিযুক্ত কিংফিছাৰৰ গৰাকী বিজয় মাল্য৷ সেই গোচৰ খাৰিজ কৰে উচ্চ ন্যায়ালয়ৰ দুই বিচাৰপতিৰ বেঞ্চে৷
বিচাৰপতি ষ্টিফেন আৰউইনৰ বেঞ্চৰ পৰ্যৱেক্ষণ, প্ৰাথমিকভাৱে গোচৰত ভাৰতৰ দাবীৰ যৌক্তিকতা আছে৷ উল্লেখ্য যে কিংফিছাৰৰ গৰাকী বিজয় মাল্যৰ বিৰুদ্ধে অভিযোগ, প্ৰায় ৯ হাজাৰ কোটিৰ বেংক ঋণ নিদিয়াকৈ তেওঁ ব্ৰিটেইনলৈ পলাই গৈছিল৷ তেওঁক ভাৰতলৈ ঘুৰাই আনিবলৈ ব্ৰিটেইন চৰকাৰৰ ওচৰত ভাৰতৰ চিবিআই আৰু ইডিয়ে আবেদন জনাইছিল৷
