নিউজ ডেস্ক:
প্রধানমন্ত্রী নৰেন্দ্র মোদীয়ে শুকুৰবাৰে ডিজিটেল মাধ্যমৰে ৰাষ্ট্ৰসংঘৰ বিত্তীয় আৰু সামাজিক পৰিষদৰ উচ্চ স্তৰীয় অধিবেশনত ভাষণ দিয়ে। ৰাষ্ট্রসংঘৰ সুৰক্ষা পৰিষদত ভাৰত অস্থায়ী সদস্য হোৱাৰ পিছত এইটোৱেই প্রধানমন্ত্রী নৰেন্দ্র মোদীৰ প্রথম ভাষণ আছিল।
তেওঁ নিজৰ ভাষণত ক’ৰোনা ভাইৰাছ মহামাৰী, প্রাকৃতিক দুর্যোগ, আত্মনির্ভৰ ভাৰত, আয়ুষ্মান ভাৰত যোজনা, চিঙ্গেল ইউজ প্লাষ্টিক নিষিদ্ধ, আর্থিক পেকেজ আৰু ছার্ক কোভিড ইমার্জেন্সি সহিতে বহু প্ৰসংগ দাঙি ধৰে।প্রধানমন্ত্রী নৰেন্দ্র মোদীয়ে কয়, কৰোনা মহামাৰীৰ বিৰুদ্ধে ভাৰতে ১৫০ৰ অধিক দেশছ চিকিৎসা আৰু অন্যান্য উপকৰণৰ মাধ্যমেৰে সাহায্য কৰিছে।
আমি সকলো দিশত সহায়ৰ হাত আগবঢ়াইছোঁ। তেওঁ কয়, ক’ৰোনা ভাইৰাছ মহামাৰীৰ বিৰুদ্ধে যুঁজক আমি গণ আন্দোলন বনাইছোঁ। ক’ৰোনাৰ বিৰুদ্ধে যুঁজত আমাৰ স্বাস্থ্য প্রণালীয়ে সমগ্র বিশ্বকে এই সংক্রমণৰ পৰা উদ্ধাৰ কৰাৰ সকলোতকৈ ভাল মূল্য সুনিশ্চিত কৰাত সহায় কৰিছে।প্রধানমন্ত্রী নৰেন্দ্র মোদীয়ে লগতে কয়, ভাৰত প্রতিটো দিশত আগুৱাই গৈছে।
দেশত মহিলাসকলক মজবুত কৰিবলৈ যথা সম্ভব চেষ্টা কৰা হৈছে। বিগত ৬ বছৰত প্ৰত্যক্ষ হিতাধিকাৰী আঁচনি অনুযায়ী ৪০ কোটি বেংক একাউন্টত টকা দি পোনপটীয়াকৈ মানুহৰ কাষলৈ সুবিধা প্ৰেৰণ কৰা হৈছে। তেওঁ কয়, আমাৰ এজেন্ডা ২০৩০ক লৈ দ্রুত গতিত কাম কৰা হৈছে। আমাৰ উদ্দেশ্য সবকা সাথ, সবকা বিকাশ আৰু সবকা বিশ্বাস।
ইয়াৰ লগে লগে আমি উন্নয়নশীল দেশসমূহকো সাহায্য কৰি গৈছোঁ।প্রধানমন্ত্রী নৰেন্দ্র মোদীয়ে কয়, চৰকাৰৰ তৰফৰ পৰা চলোৱা খাদ্য সুৰক্ষা যোজনাৰ মাধ্যমেৰে ৮০ কোটি মানুহ উপকৃত হৈছে। দেশৰ ৭৫ সংখ্যক স্বাধীনতা দিবসত প্রধানমন্ত্রী আবাস যোজনাৰ মাধ্যমেৰে ২০২২ পর্যন্ত প্রতিজন নাগৰিকক মূৰৰ ওপৰত চালি দিয়াৰ পৰিকল্পনা তীব্ৰ গতিত আগবাঢ়িছে। প্রধানমন্ত্রী নৰেন্দ্র মোদীয়ে কয়, চৰকাৰে দুখীয়াসকলক ঘৰ বনাই দিছে। দুখীয়াৰ চিকিৎসাৰ বাবে আমি আয়ুষ্মান ভাৰত যোজনা আৰম্ভ কৰিছোঁ।
