নিউজ ডেক্স:
মণিপুৰৰ এম্বুছত ৩ ছহীদৰ মাজত আছিল বজালীৰ প্ৰণয় কলিতা।অৱশেষত মাতৃভূমি আহি পালেহি মণিপুৰত শ্বহীদ হোৱা পাঠশালাৰ প্ৰণয় কলিতাৰ নশ্বৰ দেহ। এয়াৰ এছিয়াৰ বিশেষ বিমানেৰে মণিপুৰৰ পৰা বৰঝাৰ বিমান বন্দৰ লৈ অনা হয় প্ৰণয় কলিতাৰ নশ্বৰ দেহ।বৰঝাৰ বিমানবন্দৰত জনোৱা হয় শ্ৰদ্ধাঞ্জলী।
বিমান বন্দৰত আৰক্ষী আয়ুক্ত মুন্ন প্ৰসাদ গুপ্তা, CISF কামাণ্ডেণ্ট লালমোহন ঠাকুৰৰ লগতে বিমানবন্দৰ কৰ্তৃপক্ষ আৰু আৰক্ষীৰ লোকে শ্ৰদ্ধাঞ্জলী জ্ঞাপন কৰে। পিছত এম্বুলেন্সেৰে বীৰ শ্বহীদ গৰাকীৰ নশ্বৰদেহ নিজগৃহ পাঠশালালৈ লৈ যোৱা হয়।অসম সন্তান প্ৰণয় কলিতাই ২০০১চনত অসম ৰাইফলছত যোগদান কৰিছিল। তেওঁ ইহ সংসাৰত দুই কন্যাসহ পত্নীক এৰি থৈ গৈছে।
বিমানবন্দৰতে সামৰিক মৰ্যাদা দিয়া হয় শ্বহীদ গৰাকীক। উল্লেখ্য যে, মণিপুৰত বুধবাৰে নিশা অসম ৰাইফলছৰ জোৱানৰ ওপৰত উগ্ৰপন্থীয়ে চলাইছিল ভয়ংকৰ আক্ৰমণ। মণিপুৰৰ চণ্ডেলত ম্যানমাৰ বৰ্ডাৰৰ সমীপত অসম ৰাইফলছৰ জোৱানৰ ওপৰত এই আক্ৰমণৰ ঘটনা সংঘটিত হৈছিল।
