নিউজ ডেক্স:
আজি দেশৰ ৭৪ সংখ্যক স্বাধীনতা দিৱস। ক’ৰোণা ভাইৰাছৰ ভয়াৱহতাৰ প্ৰতি লক্ষ্য ৰাখি এইবাৰ কিছু ব্যতিক্ৰমী ৰূপত উদযাপন কৰা হৈছে দেশৰ স্বাধীনতা দিৱস। লালকিল্লাত প্ৰধানমন্ত্ৰী নৰেন্দ্ৰ মোদীয়ে পতাকা উত্তোলন কৰে।পতাকা উত্তোলনৰ পূৰ্বে লালকিল্লাত সামৰিক অভিবাদন গ্ৰহণ কৰে প্ৰধানমন্ত্ৰীগৰাকীয়ে।
ইয়াৰ পূৰ্বে প্ৰধানমন্ত্ৰী ৰাজঘাটত উপস্থিত হৈ জাতিৰ পিতা মহাত্মা গান্ধীৰ সমাধিত শ্ৰদ্ধাঞ্জলি জ্ঞাপন কৰে। স্বাধীনতা দিৱস উপলক্ষ্যে দেশবাসীক প্ৰধানমন্ত্ৰীয়ে শুভেচ্ছা জ্ঞাপন কৰে।
