নিউজ ডেক্স:
সুশান্ত সিং ৰাজপুতৰ মৃত্যু আৰু পৰৱর্তী ঘটনাক্রমক কেন্দ্ৰ কৰি তোলপাৰ লাগি আছে বলিউডত। সেই বলিউডতেই এইবাৰ কার্যত এক গোট হৈ গোচৰ তৰিলে ‘ৰিপাব্লিক টিভি’ৰ প্ৰধান সম্পাদক অর্ণব গোস্বামী আৰু টাইমছ নাওৰ সঞ্চালক নবিকা কুমাৰসহ চাৰিগৰাকী সাংবাদিকৰ বিৰুদ্ধে।
চলমান খান, শ্বাহৰুখ খান, আমিৰ খান, অজয় দেৱগণ, কৰণ জোহৰ, ফাৰহান আখতাৰৰ দৰে অভিনেতা-পৰিচালকৰ মুঠ ৩৪টি প্রযোজনা সংস্থাই মিলি গোচৰ ৰুজু কৰিছে দিল্লী হাইকোর্টত। অর্ণব, নবিকাৰ উপৰি অভিযোগৰ তালিকাত আছে ৰিপাব্লিক টিভিৰ সাংবাদিক প্রদীপ ভাণ্ডাৰী, টাইমছ নাওৰ এডিটৰ-ইন-চিফ ৰাহুল শিৱশঙ্কৰো।
বলিউড চিনেমা জগত আৰু তাৰ সৈতে জড়িত অভিনেতা-অভিনেত্রী, পৰিচালক, কলা-কুশলীসকলৰ বিৰুদ্ধে ‘দায়িত্বজ্ঞানহীন, অৱমাননাকৰ আৰু অপমানসূচক ৰিপোর্টিং আৰু মন্তব্য’ কৰাৰ অভিযোগ অনা হৈছে এই সাংবাদিক কেইজনৰ বিৰুদ্ধে। এই দুটি চেনেলক নিয়ন্ত্রণৰ দাবীও জনোৱা হৈছে গোচৰীয়াৰ পক্ষৰ পৰা।
আইনী পৰামর্শদাতা সংস্থা ডিএছকে লিগেলৰ পক্ষত ৰুজু কৰা গোচৰত কোৱা হৈছে, ‘‘যেনেদৰে সমগ্ৰ বলিউডৰ বিৰুদ্ধে অপপ্রচাৰ চলোৱা হৈছে, তাত ভীষণভাবে ক্ষতিগ্রস্ত হৈছে চিনেমা উদ্যোগৰ সৈতে জড়িত সকলোৰে জীবন আৰু জীবিকা। মহামাৰিৰ কাৰণে এনেই কাম হেৰুওৱা, উপার্জন কমি যোৱাৰ সঙ্কট চলিছিল। এই প্রবণতাই তাত অধিক ক্ষতি কৰিছে।’’
উল্লেখযোগ্য যে গোচৰটোত বলিউডৰ প্রয়োজক, পৰিচালক, অভিনেতা-অভিনেত্রীসকলৰ উপৰি জড়িত হৈছে প্রডিউচাৰ্চ গিল্ড অব ইণ্ডিয়া। এই সংগঠনটো জড়িত হোৱাৰ অর্থ প্রায় সম্পূৰ্ণ বলিউড গোচৰীয়াৰ সৈতে। সংগঠনটিৰ ১৩০ সদস্যৰ ভিতৰত কেৱল পৰিচালক-প্রযোজকেই নহয়, আছে বলিউডৰ প্রায় সকলো ডাঙৰ ষ্টুডিঅৰ মালিক কর্তৃপক্ষ, স্ট্রিমিং প্লেটফর্মসমূহো।
ৰোহিত শেট্টি, কবীৰ খান, বিধু বিনোদ চোপ্ৰা, ৰমেশ চিপ্পি, ৰাকেশ ৰোশন, আশুতোষ গায়কোৱাড়, ছাজিদ নাদিয়াদৱালা, সিদ্ধার্থ ৰায় কাপুৰ, বিশাল ভৰদ্বাজ, জয়া আখতাৰ, ৰাকেশ ওমপ্রকাশ মেহৰাৰ দৰে বলিউডৰ অন্যতম শ্ৰেষ্ঠ প্রযোজক-পৰিচালকসকল তেওঁলোকৰ ভিতৰত অন্যতম।
