কাশ্মীৰী পণ্ডিত ৰাহুল ভাটৰ পৰা আৰম্ভ কৰি অভিনেত্রী আমৰিন ভাট, শিক্ষয়িত্ৰী ৰজনী বালা। উপত্যকাটোত ইটোৰ পিছত সিটো হত্যাৰ ঘটনাত চিন্তিত কেন্দ্রীয় চৰকাৰ। তেনে পৰিস্থিতিত কাশ্মীৰৰ নাগৰিকৰ সুৰক্ষা সংক্রান্তীয় বিষয়ক লৈ আলোচনা কৰিবলৈ বৃহস্পতিবাৰে ৰাষ্ট্ৰীয় নিৰাপত্তা উপদেষ্টা অজিত ডোভালৰ সৈতে বৈঠকত বহে কেন্দ্রীয় গৃহমন্ত্রী অমিত শ্বাহ। উপস্থিত আছিল প্রধানমন্ত্রী কাৰ্যালয়ৰ ৰাজ্যিক মন্ত্রী জিতেন্দ্র সিঙো।
বিগত মে’ মাহত বহু কেইজন সাধাৰণ নাগৰিকক হত্যাৰ ঘটনা ঘটে কাশ্মীৰত। তেওঁলোকৰ ভিতৰত কেইবাজনো আকৌ কাশ্মীৰী পণ্ডিত সম্প্রদায়ৰ। বৃহস্পতিবাৰেও কুলগামত বিনয় কুমাৰ নামৰ এজন বেঙ্ক মেনেজাৰক গুলীয়াই হত্যা কৰা হয়। তেনে পৰিস্থিতিত উপত্যকাটোৰ পৰিস্থিতি সন্দৰ্ভত নর্থ ব্লকত জৰুৰী ভিত্তিত ডোভালৰ সৈতে বৈঠকত বহে শ্বাহ।
সূত্রৰ খবৰ মতে, এক ঘণ্টাৰো অধিক সময় ধৰি উক্ত বৈঠক অনুষ্ঠিত হয়। অৱশ্যে বৈঠকত কি সিদ্ধান্ত হৈছে, কেনেদৰে সাম্প্রতিক বিশৃঙ্খলতা নিয়ন্ত্রণলৈ অনাৰ চিন্তা কৰিছে কেন্দ্রই, সে সম্পর্কে বিশদভাৱে একো জানিব পৰা হোৱা নাই।
