ইউপিআইত (UPI) আহিছে নতুন নিয়ম। নেচনেল পেমেণ্ট কর্প’ৰেচন অব ইণ্ডিয়াই (NPCI) সম্প্রতি জনাইছে যে প্রিপেইড পেমেণ্ট ইনষ্ট্ৰুমেণ্টছৰ (PPIs) মাধ্যমেৰে ২০০০ টকাৰ অধিক ইউপিআই বা ইউনিফাইড পেমেণ্টছ ইণ্টাৰফেচ ট্রানজাকচন হ’লে এটি ইণ্টাৰচেঞ্জ মাচুল (Interchange Fee) কাটি লোৱা হ’ব।
এনপিচিআইয়ে প্ৰস্তাৱ কৰা এই ইণ্টাৰচেঞ্জ মাচুল হৈছে ১.১ শতাংশ পৰ্যন্ত। ফলত বেংক আৰু পেমেণ্ট সেৱা প্ৰদানকাৰীয়ে আয় বৃদ্ধি কৰিবলৈ সক্ষম হʼব। ইউ পি আইৰ অতিৰিক্ত খৰচৰ বাবে এই বেংক আৰু পেমেণ্ট সেৱা প্ৰদানকাৰীসকলে যথেষ্ট সমস্যাৰ সন্মুখীন হৈছিল। ইয়াৰ ফলত সেই সমস্যাটো সমাধান হ’ব বুলি ধাৰণা কৰা হৈছে। কোৱা হৈছে যে ১ এপ্ৰিল (1st April)ৰ পৰা এই নতুন নিয়ম কাৰ্যকৰী (new rules are in force) কৰা হʼব। আৰু এই আদান-প্ৰদান মূল্য বা বিনামূলীয়া এই বছৰৰ ৩০ ছেপ্টেম্বৰৰ ভিতৰত পৰ্যালোচনা কৰা হʼব।
ভাৰতত আজিৰ দিনত ভাৰতৰ অন্যতম জনপ্ৰিয় আৰু বহুলভাৱে ব্যৱহৃত পেমেণ্ট পদ্ধতি বা ব্যৱস্থাসমূহৰ ভিতৰত অন্যতম হৈছে ইউ পি আই। মোবাইলৰ সহায়ত ইউ পি আইৰ জৰিয়তে অতি সহজে বেংক একাউণ্টলৈ ধন প্ৰেৰণ কৰিব পৰা যায়। বেছি সময় নালাগে। আনহাতে, বিভিন্ন ডিজিটেল ৱালেট আছে যিবোৰ আচলতে প্ৰিপেইড পেমেণ্ট ইনষ্ট্ৰুমেণ্ট। এই ডিজিটেল পেমেণ্ট এপ বা ডিজিটেল ৱালেটত ব্যৱহাৰকাৰীয়ে বিভিন্ন স্থানত ধন ৰাখিব পাৰে আৰু খৰচ কৰিব পাৰে। ভাৰতত কেইবাটাও জনপ্ৰিয় প্ৰিপেইড পেমেণ্ট ইনষ্ট্ৰুমেণ্ট আছে। যেনে পেটিএম, ফোন পে, গুগল পে। ভাৰতৰ জনসংখ্যাৰ এক বৃহৎ অংশ আজিকালি ডিজিটেল পেমেণ্টৰ লগত অভ্যস্ত হৈ পৰিছে।
ইন্টাৰচেঞ্জ মাচুল আচলতে কি?
কোৱা হৈছে যে ২০০০ টকাৰ ওপৰত ইউপিআইৰ লেনদেন হʼলে ১.১ শতাংশ আদান-প্ৰদান মাচুল কৰ্তন কৰা হʼব। এই আদান-প্ৰদান মাচুল আচলতে কি? এটা বেংকে ধনৰ লেনদেন প্ৰক্ৰিয়াকৰণৰ বাবে আন এটা বেংকৰ বিৰুদ্ধে এই আদান-প্ৰদান মাচুল হ্ৰাস কৰিব পাৰে। এই ক্ষেত্ৰত ধন লাভ কৰা ব্যক্তিজনে প্ৰদানকাৰীৰ বেংকক মাচুল দিব অৰ্থাৎ টকা দিব।
তেনেহ’লে ইউ পি আই লেনদেন কৰিলেই ইউজাৰৰ পৰা টকা কৰ্তন কৰা হʼব নেকি?
নাই, তেনেকুৱা একো নহয়। এই নতুন আদান-প্ৰদান মাচুল কেৱল সেই ব্যৱসায়ীসকলৰ বাবেহে প্ৰযোজ্য হʼব যিসকলে ইউপিআই লেনদেনৰ জৰিয়তে ২০০০ টকাৰ ওপৰৰ পেমেণ্ট সংগ্ৰহ কৰিব আৰু সেয়া হʼব বিভিন্ন মোবাইল ৱালেটৰ সহায়ত। অৰ্থাৎ বিভিন্ন প্ৰিপেইড পেমেণ্ট ইনষ্ট্ৰুমেণ্টৰ জৰিয়তে ধন পৰিশোধ কৰিলে এই মাচুল প্ৰযোজ্য হʼব। কোনো ব্যৱহাৰকাৰীয়ে ব্যক্তিগত লেনদেন কৰিলে কোনো সমস্যা নহয়। কোনো অতিৰিক্ত মাচুলৰ প্ৰয়োজন নহʼব।
