দক্ষিণ শালমাৰা (South Salmara) জিলাত জব্দ (Seized) কৰা হৈছে ৬০০ য়াবা টেবলেট (600 Yaba Tablets)।খবৰ অনুসৰি, সীমান্ত নিৰাপত্তা বাহিনী চমুকৈ বিএছএফ আৰু গুৱাহাটী ফ্ৰণ্টিয়াৰেই সীমান্ত অপৰাধ আৰু নিচাযুক্ত দ্ৰব্য সৰবৰাহৰ বিৰুদ্ধে চলোৱা এক যৌথ অভিযানত অসম-বাংলাদেশ আন্তঃৰাষ্ট্ৰীয় সীমান্তত এই য়াবা টেবলেটখিনি জব্দ কৰা হয়।
লগতে জিলাখনৰ এখন গাঁৱৰ পৰা এজন নিচাজাতীয় দ্ৰব্য সৰবৰাহকাৰীকো আটক (supplier has also been arrested) কৰা হৈছে। জানিব পৰা মতে, জব্দ কৰা য়াবা টেবলেটখিনিৰ আনুমানিক বজাৰ মূল্য তিনি লাখ টকা। এই টেবলেটখিনি বাংলাদেশলৈ সৰবৰাহৰ কথা আছিল বুলিও জনোৱা হৈছে।
উল্লেখযোগ্য যে ইয়াৰ পূৰ্বে অসম আৰক্ষীয়ে শিলচৰত কোটি টকা মূল্যৰ য়াবা টেবলেট জব্দ কৰিছিল। শিলচৰৰ বাগাদোৰ অঞ্চলত ৫ লাখ য়াবা টেবলেট থকা কমেও ৫০টা পেকেট জব্দ কৰা হয়।ম্যানমাৰৰ পৰা মিজোৰাম হৈ যোৱাৰ পথত বাগাদোৰ এলেকাত জব্দ কৰা হয় এই বিশাল পৰিমাণৰ য়াবা টেবলেটখিনি।আৰক্ষীয়ে জব্দ কৰা টেবলেটখিনিৰ সৈতে জড়িত দুই ড্ৰাগছ ব্যৱসায়ীক আটক কৰে।
