প্ৰধানমন্ত্ৰী নৰেন্দ্ৰ মোডী (P.M. Narendra Modi)ৰ প্ৰশংসাত (Praise) পঞ্চমুখ আমিৰ খান (Amir Khan)। বুধবাৰে ৰাজধানীত অনুষ্ঠিত ‘মন কি বাত ১০০ কনক্লেভ’ত (Mann Ki Baat 100 Conclaves) যোগদান কৰে তেওঁ। মোডীৰ এই বিশেষ অনুষ্ঠানৰ ১০০টা খণ্ড। সেই উপলক্ষে দিল্লীৰ বিজ্ঞান ভৱনলৈ ১০০ গৰাকী বিশিষ্ট অতিথিক নিমন্ত্ৰণ কৰা হৈছিল। তাত মোডীৰ প্ৰশংসা কৰে মিষ্টাৰ পাৰফেক্সনিষ্টে। তেওঁৰ মতে, এই অনুষ্ঠানৰ জৰিয়তে প্ৰধানমন্ত্ৰীয়ে নতুন ইতিহাস ৰচনা কৰে।
বুধবাৰে কনক্লেভ আৰম্ভ হোৱাৰ পূৰ্বে বিজ্ঞান ভৱনত আমিৰক দেখা গৈছিল। অভিনেতাজনে পিন্ধিছিল কʼলা শ্বাৰ্ট। সেই সময়ত তেওঁ সংবাদ মাধ্যমৰ সন্মুখীন হৈছিল।
‘মন কি বাত’ মুকলি কৰাৰ বাবে মোডীক ভূয়সী প্ৰশংসা কৰে। তেওঁৰ দাবী, ‘মন কি বাত’ৰ বাবে ভাৰতীয়ৰ ওপৰত বিপুল প্ৰভাৱ পৰিছে। এই অনুষ্ঠানত আমিৰৰ সৈতে অভিনেত্ৰী ৰবীনা টেণ্ডনো উপস্থিত আছিল। শেহতীয়াকৈ তেওঁ ভাৰত চৰকাৰৰ পৰা ‘পদ্মশ্ৰী’ বঁটা লাভ কৰিছে। এই বিশেষ সভাত উপস্থিত থাকিবলৈ তেওঁকো আমন্ত্ৰণ জনোৱা হৈছে।
২০১৪ চন। কেন্দ্ৰত বিজেপিৰ ক্ষমতা। সেই বছৰৰ অক্টোবৰ মাহত প্ৰধানমন্ত্ৰীয়ে ‘মন কি বাত’ কাৰ্যসূচী আৰম্ভ কৰে। তেতিয়াৰ পৰাই প্ৰধানমন্ত্ৰীয়ে ভাষণত প্ৰায় ৭০০ বিশিষ্ট ব্যক্তিৰ নাম উল্লেখ কৰিছে। ইয়াৰে ১০০ জনেই বুধবাৰে উদযাপনত যোগদান কৰে। এই অনুষ্ঠানত কলা, সংস্কৃতি, ব্যৱসায়, ক্ৰীড়া, সমাজসেৱা, স্বাস্থ্যকে ধৰি বিভিন্ন ক্ষেত্ৰৰ ব্যক্তিত্বক সম্বৰ্ধনা জনোৱা হয়।
