২০১৪ চনৰ ৩ অক্টোবৰৰ পৰা আৰম্ভ হৈছিল এই যাত্ৰা। তাৰ পিছত কেইবা বছৰ পাৰ হৈ গʼল। প্ৰতি মাহৰ শেষৰ দেওবাৰে প্ৰধানমন্ত্ৰী নৰেন্দ্ৰ মোডী (Narendra Modi)ৰ ‘মন কি বাত’ (Mann Ki Baat) কাৰ্যসূচীয়ে ৩০ এপ্ৰিলত ১০০ সংখ্যক খণ্ডত (100 Episode)প্ৰৱেশ কৰে। খোদ প্ৰধানমন্ত্ৰীয়ে এই মুহূৰ্তক ঐতিহাসিক আখ্যা দিয়ে। সমাজখনক অনুপ্ৰাণিত কৰা সেইসকল লোকৰ সৈতে কথা পাতিলোঁ। প্ৰধানমন্ত্ৰীয়ে ‘মন কি বাত’ৰ দৰ্শকৰ হৈ তেওঁলোকক অভিনন্দন জ্ঞাপন কৰে।
শততম খণ্ড উপলক্ষে কেইবাটাও চমক ঘটিছিল। প্ৰধানমন্ত্ৰীৰ মাহেকীয়া ৰেডিঅ’ সম্প্ৰচাৰ ‘স্থানীয়’ৰ পৰা ‘গোলকীয়’লৈ গতি কৰিছে। এতিয়ালৈকে ‘মন কি বাত’ ২২টা ভাৰতীয় ভাষাত সম্প্ৰচাৰ হৈ আছিল। ৫০০ৰো অধিক ৰেডিঅ’ ষ্টেচনৰ পৰা সম্প্ৰচাৰ কৰা হয়। তাৎপৰ্যপূৰ্ণভাৱে দেওবাৰে সমগ্ৰ বিশ্বৰ কোটি কোটি লোকে মোডীৰ মনৰ কথা শুনে। খবৰ অনুসৰি, দেওবাৰে ‘মন কি বাত’ ১১টা বিদেশী ভাষাত (11 foreign languages)— ফৰাচী, চীনা, ইণ্ডোনেছিয়ান, তিব্বতী, বাৰ্মিজ, বেলুচি, আৰবী, পাষ্টো, পাৰ্চী, দাৰী আৰু শ্বাহিলী ভাষাত টেলিকাষ্ট কৰা হয়।
ৰাষ্ট্ৰসংঘৰ মুখ্য কাৰ্যালয়তো পোনপটীয়াকৈ সম্প্ৰচাৰ কৰা হৈছে ‘মন কি বাত’ৰ ১০০ সংখ্যক খণ্ড। একে সময়তে ভাৰতৰ প্ৰতিখন ৰাজ্যৰ ৰাজ্যপালসকলে দূৰদৰ্শনৰ জৰিয়তে প্ৰধানমন্ত্ৰীৰ মাহেকীয়া কাৰ্যসূচী শুনিছিল। ইয়াৰ উপৰি দেশৰ অসংখ্য স্থানত বিজেপিয়ে ‘মন কি বাত’ৰ আয়োজন কৰিছিল। কেন্দ্ৰীয় মন্ত্ৰীসকলেও টিভি আৰু ৰেডিঅ’ শুনি থকা দেখা যায়। মুঠতে শততম খণ্ডত ‘মন কি বাত’ সঁচা অৰ্থত গ্লোবেল হৈ গৈছে।
এশতম খণ্ডত মোদীয়ে কয়- “স্বচ্ছ ভাৰত’ হওক বা ‘আজাদি কা অমৃত মহোৎসৱ’, ‘মন কি বাত’ত যিবোৰ বিষয়ৰ ওপৰত আলোচনা কৰা হৈছিল, সেইবোৰ সকলো বিষয়েই পাছলৈ ৰাজহুৱা আন্দোলনৰ ৰূপ লৈছে।” লগতে ১০০ নং খণ্ডত প্ৰধানমন্ত্ৰী কয়, “মন কি বাত’ কাৰ্যসূচী দেশৰ লাখ লাখ মানুহৰ চৰ্চালৈ পৰিণত হৈছে।”
উল্লেখযোগ্য যে ১০০ সংখ্যক খণ্ডৰ ঠিক আগতে আই আই এম ৰোহতকে ‘মন কি বাত’ৰ ওপৰত এক দীঘলীয়া অধ্যয়ন প্ৰকাশ কৰিছিল। প্রধানমন্ত্রী মোডীৰ এই কার্যসূচী এতিয়ালৈকে দেশৰ ১ বিলিয়ন শ্ৰোতাই শুনা বুলি পোহৰলৈ আহিছে৷ আৰু প্ৰতিমাহে কমেও ২৩ কোটি লোকে নিয়মিতভাৱে প্ৰধানমন্ত্ৰীৰ ৰেডিঅ’ ভাষণ শুনি থাকে। এই অনুষ্ঠানক লৈ দেশৰ ৯৬ শতাংশ জনসাধাৰণৰ উচিত ধাৰণা আছে।
