সোমবাৰে কেন্দ্রীয় গৃহমন্ত্রী অমিত শ্বাহৰ (Amit Shah) মণিপুৰ (Manipur) ভ্ৰমণৰ পূৰ্বে পুনৰ উত্তপ্ত হৈ পৰিছে ৰাজ্যখন। দেওবাৰে মণিপুৰৰ বহু ঠাইত উগ্ৰপন্থী আৰু নিৰাপত্তা বাহিনীৰ সংঘর্ষ হয়। মুখ্যমন্ত্রী এন বীৰেন সিঙে (N Biren Singh) জনোৱা মতে, নিৰাপত্তা বাহিনীৰ হাতত প্ৰায় ‘৪০ জন উগ্ৰপন্থী’ নিহত হৈছে। জানিব পৰা মতে, শান্তি পুনৰুদ্ধাৰৰ বাবে অভিযান আৰম্ভ কৰিছে নিৰাপত্তা বাহিনীয়ে। তাৰ ফলতেই আৰম্ভ হয় সংঘর্ষ। এতিয়াও সেনাই অভিযান চলাই থকা বুলি জানিব পৰা গৈছে।
উল্লেখ্য, উত্তপ্ত মণিপুৰৰ শেহতীয়া পৰিস্থিতিত প্রায় ৭০ জন লোকৰ মৃত্যু হৈছে। বিগত ২৫ দিন ধৰি ৰাজ্যখনত ইণ্টাৰনেট সেৱা বন্ধ। বহু লোক গৃহহীন হৈছে। অৱশ্যে দেওবাৰৰ সংঘর্ষ দুই জনজাতিৰ মাজত হোৱা নাই বুলি জনাইছে মুখ্যমন্ত্রী বীৰেন সিঙে। তেওঁ সংবাদ মাধ্যমক জনাইছে, কুকি উগ্ৰপন্থী (Kuki Militants) আৰু নিৰাপত্তা বাহিনীৰ মাজত সংঘর্ষ হৈছে।
