আগন্তুক ২০২৩-২৪ নাট্যবৰ্ষৰ বাবে সাজু “থিয়েটাৰ সূৰ্য্য”

বিগত ২০১৫ চনত সৰ্থেবাৰীত আৰম্ভ হোৱা ভ্ৰাম্যমাণ থিয়েটাৰৰ অন্যতম থিয়েটাৰ গোষ্ঠী “থিয়েটাৰ সূৰ্য্য”। মুনীন্দ্ৰ বৰ্মনৰ প্ৰচেষ্টাত জন্মলাভ কৰা এই থিয়েটাৰ গোষ্ঠীয়ে প্ৰতিটো নাট্যবৰ্ষত জনসাধাৰণৰ বাবে কিবা এটা নতুন অনাৰ প্ৰয়াস কৰি গৈছে। তপন দাস, যতীন বৰা, ৰাজকুমাৰ ইত্যাদি দৰে বহু জনপ্ৰিয় অভিনেতা-অভিনেত্ৰী জন্মলগ্নৰে পৰা জড়িত হৈ আছিল এই থিয়েটাৰ গোষ্ঠীৰ সৈতে।

আগন্তুক নাট্যবৰ্ষৰ বাবে তিনিখন বিশেষ নাট মঞ্চায়ন কৰাৰ পৰিকল্পনা কৰিছে থিয়েটাৰ গোষ্ঠীটোৱে। এইবাৰৰ নাটক কেইখন হৈছে ক্ৰমে প্ৰশান্ত মেনাৰ “কাৰাগাৰত কলিজা” অভিজিত ভট্টাচাৰ্যৰ দুখন নাটক ক্ৰমে “মোৰ কেঁচুৱাই কান্দিছে” আৰু “ফুলশয্যাত জুই”। নাটসমূহত অভিনয় কৰিছে ক্ৰমে মৃদুল ভূঞা, পল্লৱী ফুকন, নৱজ্যোতি কাশ্যপ, মৌচুমী লস্কৰ, গৌৰাংগ শৰ্মা (আলু), জয়ন্ত শৰ্মা, ৰাতুল ভূঞা, দীপাংকৰ তালুকদাৰ, অমৰেন্দ্ৰ অলম্যান, ভৈৰৱ জ্যোতি ভূঞাৰ লগতে আন বহুতো কলা-কুশলীয়ে।