প্ৰশিক্ষণৰ সময়ত এটা দুৰ্ঘটনা জম্মু আৰু কাশ্মীৰৰ পুঞ্চ জিলা (Poonch district of Kashmir)ত সংঘটিত হয়। নিয়ন্ত্ৰণ ৰেখাৰ ওচৰত হোৱা এক বিস্ফোৰণত দুজন জোৱান গুৰুতৰভাৱে আহত (Two soldiers injured in explosion) হয়। এইটো জনা গৈছে যে জোৱানসকল এটা “দুৰ্ঘটনাজনক” গ্ৰেনেড বিস্ফোৰণত আঘাতপ্ৰাপ্ত হয়। তেওঁলোকক তৎক্ষণাৎ উদ্ধাৰ কৰে আৰু সেনা চিকিৎসালয়ত ভৰ্তি কৰোৱা হয়। বিস্ফোৰণৰ কাৰণ অনুসন্ধান কৰি থকা হৈছে। প্ৰতিবেদন অনুসৰি, সেনাই শুকুৰবাৰে পুঞ্চ জিলাৰ নিয়ন্ত্ৰণ ৰেখাৰ ওচৰত প্ৰশিক্ষণ লৈছিল।
দুপৰীয়া প্ৰায় ১২.৩০ বজাত এটা প্ৰচণ্ড বিস্ফোৰণ হয়। আহত হয় দুজন জোৱান। বিস্ফোৰণটো কেনেকৈ সংঘটিত হৈছিল সেয়া এতিয়াও স্পষ্ট হোৱা নাই। অৱশ্যে অনুমান কৰা হৈছে যে ঘটনাটো দুৰ্ঘটনাক্ৰমে সংঘটিত হৈছিল। সেনা বিষয়াসকলে বিষয়টোৰ তদন্ত কৰি আছে। সৈনিক দুজনক ততাতৈয়াকৈ ভাৰতীয় সেনাৰ ৪২৫ আৰ্মি ফিল্ড হস্পিটেললৈ লৈ যোৱা হয়। জোৱানসকলৰ অৱস্থা সংকটজনক বুলি কোৱা হৈছে।
আঘাতপ্ৰাপ্ত জোৱানকেইজনক বিহাৰ বেটেলিয়নৰ লেন্স নায়ক, ৰবীন্দ্ৰ বীৰা আৰু অগ্নিবীৰ শক্তি প্ৰসাদ বুলি চিনাক্ত কৰা হৈছে। সম্ভৱতঃ দুয়োজন জোৱানক বিমানেৰে লৈ যোৱা হয় আৰু উন্নত চিকিৎসাৰ বাবে উধমপুৰৰ নৰ্দাৰ্ণ কমাণ্ড হস্পিতাললৈ স্থানান্তৰিত কৰা হ’ব পাৰে৷ উল্লেখ্য, মঙলবাৰে বাৰামুল্লাৰ উৰি চেক্টৰত একেধৰণৰ দুৰ্ঘটনা সংঘটিত হৈছিল। উৰিৰ কমলকোটৰ এটা শিবিৰত নিয়মীয়া আগ্নেয়াস্ত্ৰ হস্তান্তৰ কৰাৰ সময়ত দুৰ্ঘটনাক্ৰমে এটা হেণ্ড গ্ৰেনেড বিস্ফোৰিত হৈছিল। ঘটনাটোত দুজন জোৱান গুৰুতৰভাৱে আহত হয়। আঘাতপ্ৰাপ্ত সৈনিকসকলক ততাতৈয়াকৈ ভাৰতীয় সেনাৰ ৯২ বেছ চিকিৎসালয়লৈ লৈ যোৱা হৈছিল। তাত চিকিৎসাধীন অৱস্থাত তেওঁলোকৰ মৃত্যু হয়। নিহত জোৱান দুজন মহাৰাষ্ট্ৰৰ বাসিন্দা।
