৮০ সংখ্যক স্বাধীনতা দিৱস (80th Independence Day)ৰ দিনা প্ৰধানমন্ত্ৰী নৰেন্দ্ৰ মোদী (Narendra Modi)য়ে লালকিল্লাৰ পৰা ‘শক্তিৰ সপ্ত ধাৰা’ (seven streams of power) ঘোষণা (Announcement) কৰে। সপ্ত সিন্ধুৰ কথা উল্লেখ কৰি তেওঁ কয় যে এই সাতটা ধাৰাই দেশক আগুৱাই নিয়াত সহায় কৰিব। মোদী চৰকাৰে ২০৪৭ চনৰ ভিতৰত ‘উন্নত ভাৰত’ গঢ়ি তোলাৰ লক্ষ্য নিৰ্ধাৰণ কৰিছে আৰু সাতটা ধাৰা হ’ব চালিকা শক্তি। মোদীয়ে কয় যে সপোন বাস্তৱায়িত কৰিবলৈ সাতটা ক্ষেত্ৰত গুৰুত্ব দিয়া হৈছে।
দেশৰ উন্নয়নৰ বাবে সাত দফীয়া সংস্কাৰ কাৰ্যসূচী সন্দৰ্ভত মোদীয়ে কয়। ইয়াৰে প্ৰথমটো হ’ল উৎপাদনশীল শক্তি। দেশৰ বিভিন্ন প্ৰান্তত উৎপাদন বৃদ্ধিৰ ওপৰত গুৰুত্ব আৰোপ কৰিব চৰকাৰে। তেতিয়াহে উন্নয়নৰ পথ প্ৰশস্ত হ’ব। ইয়াৰ উপৰি কৃষি আৰু খাদ্য প্ৰক্ৰিয়াকৰণ, প্ৰযুক্তি আৰু উদ্ভাৱন শক্তি, গতি শক্তি অৰ্থাৎ দেশৰ বিভিন্ন প্ৰান্তত তীব্ৰবেগী যোগাযোগ ব্যৱস্থা নিৰ্মাণ, প্ৰতিৰক্ষা ব্যৱস্থা, অৰ্থনৈতিক শক্তি আৰু ভাৰতৰ ‘ছফ্ট পাৱাৰ’।
মোদীয়ে কয় যে দুই ধৰণৰ অৰ্থনীতিৰ ওপৰত গুৰুত্ব দিয়া উচিত- পৰিৱেশ অনুকূল অৰ্থনীতি (গ্ৰীণ ইক’নমী) আৰু সমুদ্ৰ অনুকূল অৰ্থনীতি (ব্লু ইক’নমী)। প্ৰথম ক্ষেত্ৰত চৰকাৰে পৰিৱেশৰ ক্ষতি নকৰাকৈ কৰ্মসংস্থাপন সৃষ্টি আৰু অৰ্থনৈতিক অগ্ৰগতি লাভৰ উপায় বিচাৰি উলিওৱাক অগ্ৰাধিকাৰ দিব। দ্বিতীয়টো ক্ষেত্ৰত চৰকাৰে সাগৰ, নদী বা যিকোনো জলভাগৰ পানী ব্যৱহাৰ কৰি অৰ্থনীতিৰ বিকাশৰ কথা কৈছে। অৱশ্যে এই ক্ষেত্ৰত সাগৰ বা পৰিৱেশৰ ক্ষতি নকৰাটোও চৰকাৰৰ অন্যতম অগ্ৰাধিকাৰ। ‘ছফ্ট পাৱাৰ’ৰ অৰ্থ হ’ল ভাৰতৰ পৰম্পৰা, সংস্কৃতি আৰু কূটনীতিৰ জৰিয়তে বিভিন্ন দেশৰ সৈতে সু-সম্পৰ্ক বজাই ৰখা। যোগ, আয়ুৰ্বেদ আৰু পৰ্যটনৰ কথা উল্লেখ কৰে মোদীয়ে। এইবোৰৰ যোগেদি সামৰিক শক্তি ব্যৱহাৰ নকৰাকৈয়ে বিশ্ব মঞ্চত দেশখনক আৰু আগুৱাই নিব পাৰি। স্বাধীনতা দিৱসৰ দিনা মোদীয়ে আমাক সেই শক্তিৰ কথা সোঁৱৰাই দিয়ে।
ইয়াৰ পূৰ্বে ২০২২ চনত মোদীয়ে দেশৰ ৭৫ সংখ্যক স্বাধীনতা দিৱস উদযাপনৰ সময়ত লালকিল্লাৰ পৰা ‘পাঁচটা প্ৰতিশ্ৰুতি’ৰ কথা কৈছিল। এইবাৰ প্ৰধানমন্ত্ৰীয়ে শক্তিৰ সাতটা ধাৰাত গুৰুত্ব দি দেশখনক আগুৱাই নিয়াৰ প্ৰতিশ্ৰুতি দিয়ে। চৰকাৰৰ অন্যতম লক্ষ্য হৈছে ভাৰতত নিৰ্মিত সামগ্ৰী বিশ্ব বজাৰলৈ বিয়পাই দিয়া। মোদীয়ে কয়, “যেতিয়া সমগ্ৰ বিশ্বই নিজৰ কথা চিন্তা কৰে, তেতিয়া ভাৰত কেৱল এখন বজাৰ হৈ থাকিব নোৱাৰে। আমি সমগ্ৰ বিশ্বৰ বাবে যোগানকাৰী হ’ব লাগিব। তাৰ বাবে দেশৰ ঘৰুৱা উৎপাদন ব্যৱস্থা শক্তিশালী কৰিব লাগিব। ভাৰতত নিৰ্মিত ৬জি যোগাযোগ ব্যৱস্থা অনাগত দিনত দেশৰ প্ৰতিটো কোণলৈ বিয়পি পৰিব, প্ৰধানমন্ত্ৰী আশাবাদী।”
