Assamese New Film I অসমীয়া ছবি উদ্যোগটোলৈ সুখবৰ, মুক্তিৰ বাবে সাজু “সত্য-দ্য ট্ৰুথ”-

অসমীয়া ছবি উদ্যোগটোৰ (Assamese Film Industry) উত্তৰণৰ সমান্তৰালভাৱে আমি বিভিন্ন নতুন খবৰ পাইছোঁ। এই নতুন খবৰসমূহৰ মাজতেই ভাললগা খবৰটো হৈছে আহিবলগীয়া ছবিসমূহৰ। বৰ্তমান সময়ছোৱাত প্ৰতি শুকুৰবাৰে প্ৰত্যেকখন হিন্দী ছবিৰ সমান্তৰালকৈ একোখন অসমীয়া ছবিয়ে মুক্তি লাভ কৰিছে, এয়া সঁচাকৈ আমাৰ সকলোৰে বাবে উৎসাহৰ বিষয়।

সমকামিতাৰ বিষয়টো আমি সকলোৱে জানো। যদিও এই সমগ্ৰ বিষয়টোক বৈধ ঘোষণা কৰা হৈছিল তথাপিও সমাজ ব্যৱস্থাত ইয়াক লৈ ৰাজহুৱাভাৱে কথা পতাতো এতিয়াও ভুল বুলিয়ে ধৰা হয়। অৰ্থাৎ ই এক ব্যাধি। এই ব্যাধি বিধৰ বিষয়টোক অন্তঃকৰণেৰে বুজাবলৈ মুক্তিৰ বাবে সাজু হৈছে “সত্য-দা ট্ৰুথ” (Satya- The Truth)। ছবিখনত মুখ্য চৰিত্ৰত অভিনীত উৎপল দাসে বিভিন্ন আপডেটেৰে ছবিখনক লৈ জানিবলৈ দিছে ৰাইজক।

ছবিখনৰ পৰিচালনা কৰিছে ৰূপজ্যোতি ঠাকুৰে লগতে প্ৰযোজনা তিলোত্তমা বৰঠাকুৰৰ । ছবিখনৰ কাহিনী উৎপল উপমান্যৰ লগতে চিত্ৰনাট্য পৰিচালক গৰাকীৰ নিজৰেই। সংগীত দিগন্ত ভাৰতীৰ আৰু তৰালি শৰ্মাৰ।