দক্ষিণ মেক্সিকোৰ ছান পেড্ৰ’ হুয়ামেলুলাৰ মেয়ৰে নিজৰ চহৰবাসীৰ বাবে সৌভাগ্য কঢ়িয়াই আনিবলৈ এটা মাইকী ঘৰিয়ালক বিয়া কৰাইছে।মেয়ৰ ভিক্টৰ হুগো ছোছাই ঘৰিয়ালটোক উৎসৱমুখৰ পৰিৱেশত বিয়া কৰায় (Mayor marries crocodile )আৰু দৰ্শকে হাত চাপৰি বজাই নৃত্য কৰে। এলিচিয়া এড্ৰিয়ানা নামৰ মাইকী ঘৰিয়ালৰ সৈতে তেওঁৰ বিবাহ হয়।
বিবাহ অনুষ্ঠানৰ সময়ত মেয়ৰ ছোছাই কয় যে তেওঁ কইনাৰ দায়িত্ব স্বীকাৰ কৰিছে। কাৰণ তেওঁলোকে ইজনে সিজনক ভালপায়। প্ৰেম গুৰুত্বপূৰ্ণ। প্ৰেম অবিহনে বিবাহ অসম্ভৱ। এগৰাকী ৰাজকুমাৰীৰ লগত তেওঁৰ বিয়া হৈছে। বিবাহ উপলক্ষে ঘৰিয়ালক ‘কইনা’ৰ সাজত সজোৱা হয়। বিয়াৰ আগতে ঘৰিয়ালটোক ঘৰে ঘৰে লৈ যোৱা হয়। উদ্দেশ্য চহৰৰ মানুহে তেওঁক কোলাত লৈ নাচিব লাগে।
বিয়াৰ আগতে ঘৰিয়ালটোৰ মুখখন বান্ধি থোৱা হয় যাতে দুৰ্ঘটনাৰ পৰা হাত সাৰিব পাৰে। পিছত ঘৰিয়ালটোক বিয়াৰ মঞ্চলৈ লৈ যোৱা হয় বিয়াৰ অনুষ্ঠানৰ বাবে। স্থানীয় এজন মাছমৰীয়াই এই অনুষ্ঠানৰ অংশ হিচাপে প্ৰাৰ্থনা কৰে। প্ৰাৰ্থনাত কোৱা হৈছে যে এই বিবাহৰ ফলত অধিক পৰিমাণে মাছ পোৱা যাব, যিয়ে চহৰখনলৈ সমৃদ্ধি, ভাৰসাম্য আৰু শান্তি কঢ়িয়াই আনিব।
উল্লেখযোগ্য যে আজিৰ পৰা প্ৰায় ২৩০ বছৰ পূৰ্বে এক বিবাহৰ মাধ্যমেৰে অঞ্চলটোৰ দুয়োটা জনজাতি গোটৰ মাজত শান্তি আনিছিল। এটা জনজাতীয় গোটৰ নাম চোণ্টাল, আনটো হুয়াভ। সেই ঘটনাৰ স্মৃতিতে ইমান বছৰৰ মূৰত এজনী মাইকী ঘৰিয়ালক এজন মতা মানুহৰ লগত বিয়া পাতি দিয়া হৈছে।
