Rima Das’s New Film I ৰীমা দাসৰ নতুন ছবি “তৰাজ হাজবেণ্ড”

“ভিলেজ ৰকষ্টাৰ” তথা “বুলবুল কেন ছিং” ৰ জৰিয়তে অসমীয়া চলচিত্ৰ প্ৰেমী ৰাইজৰ হৃদয়ত সুকীয়া আসন লাভ কৰিবলৈ সক্ষম হোৱা ৰীমা দাসৰ (Rima Das) নতুন ছবি “তৰাজ হাজবেণ্ড” (Tora’s Husband) য়ে ইতিমধ্যে ৰাষ্ট্ৰীয়-আন্তঃৰাষ্ট্ৰীয় প্ৰেক্ষাপটত বহুল সমাদৰ লাভ কৰিছে।

ক’ভিডৰ বিভীষিকা পৰিস্থিতিক লৈ নিৰ্মিত এই ছবিখন সেই সময়ছোৱাৰ এহাল স্বামী-স্ত্ৰী সংসাৰৰ বিভিন্ন বিপদ তথা ব্যৱসায়িক দিশৰ পতন ইত্যাদি কেতবোৰ বিষয়ৰ উপস্থাপনেৰে নিৰ্মাণ কৰি উলিওৱা হৈছে। ১৩৫ মিনিট দৈৰ্ঘ্যৰ এই ছবিখন “ট’ৰেণ্টো আন্তঃৰাষ্ট্ৰীয় চলচিত্ৰ মহোৎসৱ” তো প্ৰদৰ্শিত হৈছিল।

ছয়গাঁৱৰ গ্ৰাম্য ভাষাত নিৰ্মিত এই ছবিখনৰ পৰিচালনাৰ লগতে কাহিনী, চিত্ৰনাট্য, চিত্ৰগ্ৰহণ, প্ৰডাকচন ডিজাইন তথা সম্পাদনা ৰীমা দাসে নিজে কৰিছে। “তৰাজ হাজবেণ্ড” ত অভিনয় কৰিছে ক্ৰমে অভিজিৎ দাস, তৰালি কলিতা দাস, ভূমান ভার্গব দাস, পূর্বাঞ্চলি দাস, সিমন্ত মালাকাৰ, নীলিমা দাস আদিয়ে।