চন্দ্ৰযান-৩-(Chandrayaan-3)এ পৃথিৱীৰ কক্ষপথৰ পঞ্চম আৰু শেষ পৰ্যায় সফলতাৰে অতিক্ৰম (Fifth and final stage of the Earth’s orbit has been excee) কৰিলে। পঞ্চম কক্ষপথ পৰিৱৰ্তন সফলতাৰে সম্পূৰ্ণ হʼল। এই কক্ষপথ পৰিৱৰ্তন মঙলবাৰে দুপৰীয়া ২ বজাৰ পৰা ৩ বজাৰ ভিতৰত হʼবলগা আছিল। সেই মতে ২.৪৫ বজাৰ ভিতৰত ইছৰোৱে এই সফলতাৰ বিষয়ে টুইট কৰে।
চন্দ্ৰযান-৩ৰ গতিবিধি নিয়ন্ত্ৰিত আৰু পৰিচালিত হৈছে বেংগালুৰুস্থিত ইছৰোৰ মুখ্য কাৰ্যালয়ৰ পৰা। মঙলবাৰৰ কক্ষপথ পৰিৱৰ্তনৰ অন্তিম পৰ্যায়ও তাৰ পৰাই সম্পন্ন কৰা হয়। ফলত চন্দ্ৰযান-৩ পৃথিৱীৰ মহাকৰ্ষণ শক্তিৰ পৰা মুক্ত হৈ যায়। ইয়াৰ পিছত মহাকাশযানখনে চন্দ্ৰৰ মহাকৰ্ষণত প্ৰৱেশ কৰিব।
চন্দ্ৰযান-৩ পঞ্চমবাৰৰ বাবে কক্ষপথ সলনি কৰাৰ পিছত ১২৭৬০৯ কিলোমিটাৰ X ২৩৬ কিলোমিটাৰ কক্ষপথত উপনীত হʼব বুলি ইছৰোৱে জানিবলৈ দিয়ে।আনহাতে, অহা ১ আগষ্টত সম্পূৰ্ণ হʼব চন্দ্ৰ কক্ষপথত প্ৰৱেশৰ প্ৰক্ৰিয়া। সেইদিনা দিনৰ ১২ বজাৰ পৰা ১.০০ বজাৰ ভিতৰত ইছৰোৰ চন্দ্ৰযান-৩ চন্দ্ৰৰ কক্ষপথত প্ৰৱেশ কৰিবলগা আছে।
পৃথিৱীৰ মাধ্যাকৰ্ষণৰ বলত মহাকাশত চন্দ্ৰযান-৩ৰ গতি ক্ৰমান্বয়ে বৃদ্ধি কৰিবলৈ ইছৰোই মুঠ পাঁচটা কক্ষপথ পৰিৱৰ্তনৰ পৰিকল্পনা কৰিছিল। এতিয়া এই সকলো পদক্ষেপ সফলতাৰে সম্পূৰ্ণ হʼল। ইয়াৰ পূৰ্বে চন্দ্ৰযান-৩য়ে ১৫ জুলাই, ১৬ জুলাই, ১৮ জুলাই আৰু ২০ জুলাইত কক্ষপথ সলনি কৰিছিল। সকলো ঠিকে থাকিলে ২৩ বা ২৪ আগষ্টত চন্দ্ৰযান-৩ চন্দ্ৰত উপস্থিত হʼব।
