দুটা দশকৰো অধিক সময় ধৰি দক্ষিণ আৰু হিন্দী ছবিত কাম কৰি আহিছে তমন্না ভাটিয়াই (Tamannah Bhatia)। কিন্তু কেৰিয়াৰত হিট ছবিৰ সংখ্যা কম। অৱশ্যে ‘বাহুবলী’ৰ দৰে সফল ছবিত অভিনয় কৰাৰ পাছত তমন্নাৰ কামৰ অভাৱ নাই। তেনেদৰেই পাৰিশ্ৰমিকো বৃদ্ধি হয় অভিনেত্ৰীগৰাকীৰ। কৰ্মৰ উপৰি বৰ্তমান তেওঁ চৰ্চাত আছে অভিনেতা বিজয় বাৰ্মাৰ সৈতে থকা তেওঁৰ সমীকৰণৰ বাবে। কিন্তু আপুনি জানেনে যে অভিনেত্ৰীগৰাকীৰ হাতত আছে বিশ্বৰ পঞ্চম বৃহত্তম হীৰাৰ আঙঠি (Fifth largest diamond ring)?
সদ্য মুক্তিপ্ৰাপ্ত ছবি ‘লাষ্ট ষ্ট’ৰীজ ২’ত (Last Stories 2) একেলগে দেখা যাব বিজয়-তমন্নাক (Vijay-Tamanna)। ছবিখনত তমন্নাই ইমান বছৰৰ প্ৰতিশ্ৰুতি ভংগ কৰি পৰ্দাত চুমা খোৱাৰ দৃশ্যত অভিনয় কৰিছে। বহুতে এই সিদ্ধান্ত বিজয়ৰ বাবে বুলি ভাবে। জনা যায় যে তেওঁলোকে কামৰ জৰিয়তে ইজনে সিজনৰ ঘনিষ্ঠতা লাভ কৰিছিল। প্ৰায় ১৭ বছৰীয়া অভিনয় জীৱনত কেতিয়াও কোনো অভিনেতাক পৰ্দাত চুমা খোৱা নাই তমন্নাই।
এই চৰ্তটো তেওঁৰ চুক্তিত সদায় উল্লেখ কৰা হৈছিল। ‘লাষ্ট ষ্ট’ৰীজ ২’ৰ বাবে অভিনেত্ৰীগৰাকীয়ে বিজয়ৰ বাবে প্ৰায় দুটা দশকৰ এই নিয়মৰ ব্যতিক্ৰম কৰিছে। তেওঁলোকৰ প্ৰেমৰ খবৰত গৰম হৈ পৰিছে মায়ানগৰী। অৱশ্যে তমন্নাৰ বিশাল হীৰাৰ আঙঠিটো বিজয়ে দিয়া নাছিল, বৰঞ্চ অভিনেত্ৰী ৰাম চৰণৰ পত্নী উপাসনা কনিডেলাইহে দিছিল অভিনেত্ৰীগৰাকীক। যাৰ বজাৰ মূল্য প্ৰায় ২ কোটি টকা। কিন্তু অভিনেতা ৰাম চৰণৰ পত্নীয়ে কিয় তমন্নাক ইমান মূল্যৱান উপহাৰ দিলে?
কাৰণ, তমন্নাই ‘ছাই ৰা নৰসিংহ ৰেড্ডী’ ছবিখনত অভিনয় কৰিছিল। ইয়াৰ প্ৰযোজনা কৰিছিল উপাসনা আৰু ৰাম চৰণে। শহুৰেক চিৰঞ্জীৱীৰ সপোনৰ ছবি আছিল ‘ছাই ৰা নৰসিংহ ৰেড্ডী’। ভাৰতীয় স্বাধীনতা সংগ্ৰামী নৰসিংহ ৰেড্ডীৰ জীৱনৰ পৰা অনুপ্ৰাণিত এই ছবিখন। যদিও ৰাম চৰণৰ পিতৃৰ সপোনৰ ছবিখনে বক্স অফিচত সফলতা লাভ কৰা নাছিল, তথাপিও ছবিখনত কৰা অভিনয়ৰ বাবে তমন্নাই প্ৰশংসা লাভ কৰিছিল। সেই সময়ত তমন্নাই প্ৰযোজক উপাসনাৰ পৰা এই উপহাৰটো পাইছিল।
