যুদ্ধৰ অন্ত পেলাবলৈ আন্তঃৰাষ্ট্ৰীয় সমাজৰ হেঁচা বৃদ্ধি পোৱাৰ পিছতো ইজৰাইলৰ প্ৰধানমন্ত্ৰী বেঞ্জামিন নেতানিয়াহুৱে (Benjamin Netanyahu) এতিয়াও নিজৰ স্থিতিত অটল আছে। আমেৰিকাৰ উপৰি অষ্ট্ৰেলিয়া, ইটালী, কানাডা, ফ্ৰান্স, জাৰ্মানী, নিউজিলেণ্ড আৰু ইজৰাইলৰ অন্যান্য বন্ধুত্বপূৰ্ণ দেশসমূহেও শত্ৰুতা বন্ধ কৰাৰ আহ্বান জনাইছে।
অৱশ্যে নেতানিয়াহুৱে কয় যে গাজাৰ পৰা হামাছক নিৰ্মূল নকৰালৈকে যুদ্ধ অব্যাহত থাকিব। তেওঁৰ এই স্থিতিক লৈ চাৰিওফালে ক্ষোভ বৃদ্ধি পাইছে।
আনহাতে, বিভিন্ন পক্ষৰ হেঁচাত নেতানিয়াহুৱে ভাৰতৰ প্ৰধানমন্ত্ৰী নৰেন্দ্ৰ মোডীৰ সৈতে ফোনযোগে সাম্প্ৰতিক পৰিস্থিতি সন্দৰ্ভত বাৰ্তালাপ কৰে। যুদ্ধৰ পৰিস্থিতিৰ বাহিৰেও দুয়োগৰাকী নেতাই আন কেইবাটাও বিষয়ৰ ওপৰত আলোচনা কৰা বুলি জানিব পৰা গৈছে। আনহাতে, ইজৰাইললৈ প্ৰেৰণ কৰিবলগীয়া ১ হাজাৰ কৰ্মচাৰীৰ নিযুক্তিৰ বিজ্ঞাপন দি হাৰিয়ানা চৰকাৰ বিতৰ্কত লিপ্ত হৈছে।
