গুৱাহাটীমূখী যাত্ৰাত আজি যোৰহাট (Jorhat)ৰ নৱ নিৰ্বাচিত সাংসদ গৌৰৱ গগৈ (Newly elected MP Gaurav Gogoi)ক বোকাখাতৰ কংগ্ৰেছ কৰ্মীসকলে বিপুল আদৰণি জনায়। বোকাখাতত সাংসদ গৰাকীয়ে কয়- “পীয়ুয হাজৰিকাই ৰাজনীতি এৰিলে আমাৰেই লোকচান। তেখেতে ৰাজনীতি এৰিব নেলাগে। কংগ্ৰেছৰ বিজয় নিশ্চিত কৰিবলৈকে তেখেত ৰাজনীতিত থকা প্ৰয়োজন। যোৰহাটেই তাৰ উদাহৰণ”।
লগতে সাংসদ গৌৰৱ গগৈয়ে আৰু কয়- “মুখ্যমন্ত্ৰী আৰু তেখেতৰ সোঁহাত বাঁওহাত য’ত যায় তাতে কংগ্ৰেছৰ ভাল দিন আহে গতিকে তেখেত সকলক নিমন্ত্ৰন জনোৱা হৈছে। তেওঁলোক আহিয়ে থাকক, আহিয়ে থাকক। মুখ্যমন্ত্ৰী যোৰহাট আহি থাকক, বোকাখাত আহি থাকক, গোলাঘাট আহি থাকক, ডিব্ৰুগড় আহি থাকক তেতিয়া ভাল লাগিব।
পিযুষ হাজৰিকাই ৰাজনীতি এৰিব নালাগে”। যোৰহাটৰ দৰে এটা সন্মানীয় সমষ্টিৰ পৰা নিৰ্বাচিত গৌৰৱ গগৈয়ে খুমটাই সমষ্টিৰ বিধায়ক মৃণাল শইকীয়াৰ শেহতীয়া বক্তব্য আৰু মুখ্যমন্ত্ৰীৰ মন্তব্য সৰ্ন্দভতো বহু কথাই কৈ গ’ল সাংসদ জনে। একেদৰে ৰাজ্যৰ সাম্প্ৰদায়িক ৰাজনৈতিক শক্তিক বিজেপি য়ে নহয় কংগ্ৰেছ দিলেহে উফৰালে বুলিও মন্তব্য কৰে গৌৰব গগৈয়ে।
