অসম চৰকাৰৰ আন এক বৃহৎ আয়োজন। অহা বছৰ ফেব্ৰুৱাৰী মাহত গুৱাহাটীত আয়োজন (Organized in Guwahati) কৰিব চাহ জনগোষ্ঠীৰ (Tea tribe) অতি সমৃদ্ধ লোকনৃত্য ঝুমুৰৰ অনুষ্ঠান (Folk dance jhumur ceremony)। এই সন্দৰ্ভত আজি লোক সেৱা ভৱনত অনুষ্ঠিত বৈঠকত মুখ্যমন্ত্ৰী ডঃ হিমন্ত বিশ্ব শৰ্মাৰ উপস্থিতিত বিতং আলোচনা কৰা হয়।
এই সন্দৰ্ভত মুখ্যমন্ত্ৰীয়ে সামাজিক মাধ্যমযোগে কয়, “বৰ্ণাঢ্য সংস্কৃতি, লোকাচাৰ, উৎসৱ-পাৰ্বণ আদিৰে সমৃদ্ধ চাহ জনগোষ্ঠীৰ ঝুমুৰ নৃত্যক বিশ্ব দৰবাৰত উদ্ভাসিত কৰাৰ লক্ষ্যৰে আমাৰ চৰকাৰে অহা বৰ্ষৰ ফেব্ৰুৱাৰী মাহত গুৱাহাটীত এক বৃহৎ ঝুমুৰ নৃত্য প্ৰদৰ্শনৰ পদক্ষেপ গ্ৰহণ কৰিছে৷ লোকসেৱা ভৱনত আজি অনুষ্ঠিত এখন বৈঠকত এই বিষয়ে বিস্তৃতভাৱে আলোচনা কৰোঁ৷”
মুখ্যমন্ত্ৰীয়ে লগতে কয়, “বিশেষজ্ঞ প্ৰশিক্ষক আৰু নৃত্য দল বাছনি, সমষ্টিভিত্তিক কৰ্মশালা অনুষ্ঠিতকৰণ, অনুষ্ঠানস্থলীৰ কাম-কাজ, অনলাইন পঞ্জীয়ন আদিকে ধৰি এই সন্দৰ্ভত বৰ্তমানলৈ হোৱা অগ্ৰগতিৰ বুজ লওঁ৷ সমগ্ৰ অনুষ্ঠানটো যাতে ত্ৰুটিহীনভাৱে অনুষ্ঠিত কৰিব পৰা যায় তাৰ বাবে সকলো ব্যৱস্থা আগতীয়াকৈ পৰিকল্পনা কৰিবলৈ নিৰ্দেশনা প্ৰদান কৰোঁ৷”
