বাংলাদেশৰ প্ৰাক্তন প্ৰধানমন্ত্ৰী শ্বেখ হাছিনাৰ বিৰুদ্ধে সোমবাৰে শাস্তি ঘোষণা কৰে আন্তঃৰাষ্ট্ৰীয় অপৰাধ ন্যায়াধিকৰণে। ন্যায়াধীশ গোলাম মৰ্তুজা মজুমদাৰ, ন্যায়াধীশ মহম্মদ চফিউল আলম মাহমুদ আৰু ন্যায়াধীশ মহম্মদ মহিতুল হক এনাম চৌধুৰীকে ধৰি মুখ্য ন্যায়াধীশৰ ৰায়দান পোনপটীয়াকৈ সম্প্ৰচাৰ কৰা হয়। ইয়াৰ পূৰ্বে সমগ্ৰ ঢাকাতে নিৰাপত্তা ব্যৱস্থা অধিক কটকটীয়া কৰা হয়।
আনহাতে, দেওবাৰে নিশাৰ পৰা দেশৰ বিভিন্ন প্ৰান্তত বিক্ষিপ্ত ঘটনাৰ সৃষ্টি হৈছে। দুৰ্বৃত্তৰ বিৰুদ্ধে গাড়ী, এম্বুলেন্স আৰু বাছত অগ্নিসংযোগ কৰাৰ অভিযোগ উত্থাপন হৈছে। কেইবাটাও সৰু-সুৰা বিস্ফোৰণো সংঘটিত হৈছে। পৰিস্থিতি নিয়ন্ত্ৰণৰ বাবে ঢাকা আৰক্ষীয়ে দুষ্কৃতিকাৰীৰ বিৰুদ্ধে গুলীচালনাৰ নিৰ্দেশ দিয়ে।
আদালতৰ কক্ষৰ পৰা ওলাই আহি চৰকাৰী অধিবক্তাগৰাকীয়ে কয় যে হাছিনা পলাতক হৈ থকাৰ বাবে ৰায়ৰ বিৰুদ্ধে আপীল কৰিব নোৱাৰিব। ৰায়দানৰ প্ৰতিলিপি ভাৰত চৰকাৰক গতাই দিব পাৰে।শ্বেখ হাছিনাৰ লগতে বাংলাদেশৰ আন্তঃৰাষ্ট্ৰীয় ন্যায়াধিকৰণে প্ৰাক্তন গৃহমন্ত্ৰী আছাদুজ্জামান খানকো মৃত্যুদণ্ডৰ শাস্তি প্ৰদান কৰিছে। আনজন অভিযুক্ত হৈছে প্ৰাক্তন আৰক্ষী বিষয়া আল-মামুন। কিছুমান ক্ষেত্ৰত দয়া দেখুৱাই তেওঁক পাঁচ বছৰৰ কাৰাদণ্ড বিহা হৈছে।
ৰায় ঘোষণা কৰাৰ লগে লগে আদালতৰ কক্ষত হাত চাপৰিৰ সৃষ্টি হয়। সকলোকে শান্ত হৈ থাকিবলৈ অনুৰোধ জনায় ন্যায়াধীশে।
আন্তঃৰাষ্ট্ৰীয় ন্যায়াধিকৰণে হাছিনাক তিনিটা অভিযোগত দোষী সাব্যস্ত কৰে। তাৰে এটা হৈছে উচটনি দিয়া। দ্বিতীয়টো হত্যাৰ নিৰ্দেশ দিয়া আৰু তৃতীয়টো হৈছে দমন ৰোধ কৰাত আৰক্ষীক নিষ্ক্ৰিয় কৰি ৰখা।
ন্যায়াধীশগৰাকীয়ে কয়, “হাছিনা, আছাদুজ্জামান এতিয়াও পলাতক হৈ আছে। বাৰম্বাৰ পৰোৱানা জাৰিৰ পিছতো তেওঁলোকে আত্মসমৰ্পণ কৰা নাই। ৫৪ জন লোকে তেওঁলোকৰ বিৰুদ্ধে সাক্ষ্য দিছে। সংখ্যাটো বৰ কম নহয়। দুয়োজনক শাস্তি দিয়াৰ প্ৰয়োজন। আনকি হাছিনাই কিছুমান সাক্ষাৎকাৰত এই আদেশৰ দায়িত্বও স্বীকাৰ কৰিছে।”
আনহাতে, হাছিনাৰ অধিবক্তাই দাবী কৰে যে কোনো দমনমূলক পদ্ধতি ব্যৱহাৰ কৰি এই আন্দোলন বন্ধ কৰা হোৱা নাই। হাছিনাই কাকো অপমান কৰা নাই। আন্দোলন দমন কৰাত তেওঁ পোনপটীয়াকৈ যোগদান কৰা নাই। প্ৰতিবাদকাৰীৰ সংখ্যাৰ আনুষ্ঠানিক গণনা ৮০০। তেন্তে ১৫০০ প্ৰতিবাদকাৰীৰ মৃত্যু কেনেকৈ হ’ল? হাছিনাৰ অধিবক্তাই এই প্ৰশ্ন উত্থাপন কৰে।
বাংলাদেশ, শ্বেখ হাছিনা, প্ৰাক্তন প্রধানমন্ত্রী, ৰায় ঘোষণা, ন্যায়াধিকৰণ, আন্তঃৰাষ্ট্ৰীয় ন্যায়াধিকৰণ, মৃত্যুদণ্ড, অপৰাধ, অপৰাধমূলক কাৰ্য্য, দেশৰ তথ্য, আইন আৰু ন্যায়, ৰাজনৈতিক সমস্যা, ৰাজনৈতিক বিচাৰ, দেশৰণীতি, সুৰক্ষা ব্যৱস্থা, বিক্ষোভ, দমন-পীড়ন, গুলীচালনা, নিৰাপত্তা, ঢাকা, অনুগত, বিচাৰ প্ৰক্ৰিয়া, ৰাজনৈতিক বন্দী, গণআন্দোলন, আন্দোলন, অসমাপ্ত অভিযোগ, স্বীকাৰোক্তি, সাক্ষ্য, দোষী, ন্যায়বিচাৰ, বিচাৰকৰা, বিচাৰ ব্যবস্থা, সমাজ, জনসাধাৰণ, আতংক, নিৰাপত্তা ব্যৱস্থা, জনা, ৰাজনৈতিক সমস্যা, সংগঠন, অভিযান, দমন, প্ৰতিবাদ, অপৰাধৰ নিৰোধ, ৰায়দানে, সাংবিধানিক ব্যবস্থা, প্ৰধানমন্ত্ৰী, অস্থিরতা, অশান্তি
