সোমবাৰে এদিনীয়া ভ্ৰমণসূচীৰে অসমলৈ আহিছে কেন্দ্ৰীয় গৃহমন্ত্ৰী অমিত শ্বাহ (Amit Shah)। তেওঁ আজি দুপৰীয়া নগাঁৱৰ বটদ্ৰৱা সাংস্কৃতিক প্ৰকল্প শুভ উদ্বোধন কৰে। ইয়াৰ পিছত গুৱাহাটীৰ পশ্চিম বৰাগাঁৱত নিৰ্মিত শ্বহীদ স্মাৰক ক্ষেত্রত উপস্থিত হৈ অমিত শ্বাহে অসম আন্দোলনৰ শ্বহীদসকললৈ শ্ৰদ্ধাঞ্জলি (Tribute to the martyrs) জ্ঞাপন কৰে। অমিত শ্বাহৰ সৈতে মুখ্যমন্ত্ৰী ডঃ হিমন্ত বিশ্ব শৰ্মা, কেন্দ্ৰীয় মন্ত্ৰী সৰ্বানন্দ সোণোৱাল, অসম চুক্তি ৰূপায়ণ মন্ত্ৰী অতুল বৰা আদিও শ্বহীদ স্মাৰক ক্ষেত্ৰত উপস্থিত থাকে।
উল্লেখ্য যে দেওবাৰে নিশা গুৱাহাটীত উপস্থিত হোৱাৰ কথা আছিল কেন্দ্ৰীয় গৃহমন্ত্ৰী অমিত শ্বাহ। আনহাতে, সোমবাৰে পুৱা ১০ বজাত তেওঁ শ্বহীদসকললৈ শ্ৰদ্ধাঞ্জলি জ্ঞাপন কৰাৰ কথা আছিল। কিন্তু ঘন কঁৱলীৰ বাবে তেওঁ দেওবাৰে নিশা আহিব নোৱৰাত সোমবাৰে পুৱাহে গুৱাহাটীত উপস্থিত হয়। ইয়াৰ পূৰ্বে বিমানবন্দৰত মুখ্যমন্ত্ৰী ডঃ হিমন্ত বিশ্ব শৰ্মা আৰু আন কেইবাগৰাকীও মন্ত্ৰী-নেতাই অমিত শ্বাহক আদৰণি জনায়।
