আম আদমী পাৰ্টিৰ ৰাজ্যসভাৰ সাংসদ ৰাঘৱ চাড্ডা (MP Raghav Chaddha) সংসদত ৰাজহুৱা সমস্যা উত্থাপন কৰাৰ বাবে ছ’চিয়েল মিডিয়াত যথেষ্ট জনপ্ৰিয় হৈ পৰিছে। তেওঁ ইতিমধ্যে গিগ কৰ্মীসকলৰ অধিকাৰৰ বিষয়ে মাত মাতিছে। তেওঁ জনপ্ৰতিনিধিসকলৰ জবাবদিহিতাৰ ওপৰত প্ৰশ্ন উত্থাপন কৰে। এইবাৰ আপৰ সাংসদজনে টেলিকম কোম্পানীবোৰৰ ৰিচাৰ্জৰ (Telecom companies’ recharge) বিষয়টোও উত্থাপন কৰে৷ ৰাঘৱ চাড্ডাই সংসদত কয় যে ৰিচাৰ্জ শেষ হোৱাৰ পিছত যিদৰে প্ৰিপেইড গ্ৰাহকসকলক ইনকামিং সেৱাৰ পৰা বাধা দিয়া হয়, যিদৰে ২৮ দিনৰ আঁচনি প্ৰস্তুত কৰাৰ পিছত ১২ মাহত ১৩ বাৰ ৰিচাৰ্জ (Recharge 13 times in 12 months) কৰিবলৈ বাধ্য কৰা হয়, সেইবোৰ আচলতে ডাঙৰ বিত্তীয় প্ৰৱঞ্চনা।
ৰাঘৱ চাড্ডাই কয়, “ৰিচাৰ্জৰ সময় শেষ হোৱাৰ পিছত, কোনেও পুনৰ ফোন কৰিব নোৱাৰে। আনকি গুৰুত্বপূৰ্ণ অ’টিপি বা জৰুৰীকালীন মেছেজবোৰো ফোনলৈ নাযায়। কোনোপধ্যেই যোগাযোগ কৰিব নোৱাৰি। জৰুৰীকালীন পৰিস্থিতিত মানুহ প্ৰায় অসহায় হৈ পৰে। ৰাঘৱে কয়, “ৰিচাৰ্জ শেষ হোৱাৰ পিছত আউটগয়িং কল বন্ধ কৰা উচিত। কিন্তু ইনকামিং কলবোৰ কিয় বন্ধ কৰিব লাগে?” ৰাঘৱে সংসদত টেলিকম কোম্পানীবোৰৰ বহু সমালোচিত ২৮ দিনীয়া ৰিচাৰ্জ আঁচনিৰ বিষয়েও সৰৱ হৈ আহিছে। “২৮ দিনৰ ৰিচাৰ্জ আঁচনি আচলতে এক ফান্দ। ২৮ দিনত ১৩ বাৰ ৰিচাৰ্জ কৰিলে মুঠ ৩৬৪ দিন হয়।
অৰ্থাৎ, আপুনি ১২ মাহত ১৩ বাৰ ৰিচাৰ্জ কৰিব লাগিব। ফলস্বৰূপে, গ্ৰাহকসকলে বছৰত এবাৰকৈ অতিৰিক্ত ৰিচাৰ্জ কৰিবলৈ বাধ্য হয়। ৰাঘৱে স্পষ্ট যে ম’বাইল ৰিচাৰ্জ ৩০ বা ৩১ দিন হ’ব লাগে। দৰাচলতে, দেশৰ প্ৰায় সকলো টেলিকম কোম্পানীয়ে গ্ৰাহকসকলক মাহেকীয়া আঁচনিৰ পৰিৱৰ্তে ২৮ দিন, ৫৪ দিন বা ৮৪ দিনৰ ৰিচাৰ্জ আঁচনি ক্ৰয় কৰিবলৈ বাধ্য কৰে। অতীতত এই বিষয়ে বহুবাৰ বিতৰ্ক হৈছে। এইবাৰ ৰাঘৱে সংসদত এই গুৰুত্বপূৰ্ণ বিষয়টো উত্থাপন কৰে। চৰকাৰে এই সন্দৰ্ভত কিবা ব্যৱস্থা গ্ৰহণ কৰিব নে নাই সেয়া চাবলৈ বাকী আছে।
