বিনা বাধাৰে হৰমুজ প্রণালী (Straight of Harmuz) অতিক্ৰম (Exceed) কৰিলে ভাৰতৰ দুখন টেংকাৰ (India’s two tanks)। বুধবাৰে নিশাৰ পৰা বৃহস্পতিবাৰে পুৱাৰ ভিতৰত হৰমুজ অতিক্ৰম কৰে ভাৰতৰ দুই টেংকাৰ পুষ্পক আৰু পিৰামলে। এই দুখন টেংকাৰৰ সৈতে আছিল অইন দেশৰো তিনিখন টেংকাৰ। অৱশ্যে উক্ত টেংকাৰকেইখনত আক্ৰমণ সংঘটিত হয়। কিন্তু ইৰাণে নির্দিষ্ট পৰিকল্পনাৰ ভিত্তিত ভাৰতৰ টেংকাৰকেইখনক ৰেহাই দিছে নেকি তাক লৈ কৌতুহলৰ সৃষ্টি হৈছে।
উল্লেখযোগ্য যে মঙলবাৰে ইৰাণ (Iran)ৰ বিদেশ মন্ত্রী আব্বাছ আৰাঘচি (Foreign Minister Abbas Araghchi)ৰ সৈতে আৰু এলানি বৈঠকত বহাৰ কথা কৈছিল বিদেশ মন্ত্রী এছ জয়শঙ্কৰে (Foreign Minister S. Jaishankar)। বৃহস্পতবাৰে বিদেশ মন্ত্ৰালয়ৰ মুখপাত্র ৰণধীৰ জয়ছোৱালে জনায়, পশ্চিম এছিয়াৰ পৰিস্থিতি আৰু বাণিজ্যিক জাহাজৰ নিৰাপত্তাক লৈ দুই দেশৰ বিদেশ মন্ত্রীৰ আলোচনা হৈছে। তাৰ পিছতেই টেহৰাণে ভাৰতৰ টেংকাৰবোৰ বা জাহাজবোৰত আক্ৰমণ নলোৱাৰ সিদ্ধান্ত লৈছে নেকি সেয়া অৱশ্যে স্পষ্ট নহয়।
বৃহস্পতিবাৰে পুৱা সংবাদ সংস্থা ৰয়টাৰ্ছ ভাৰতীয় সূত্ৰৰ উদ্ধৃতি দি জনাইছিল যে ইৰাণে ভাৰতৰ জাহাজ বা টেংকাৰবোৰক বিনা বাধাৰে হৰমুজ পাৰ হ’বলৈ দিব। তাৰ কিছু সময় পিছতে অৱশ্যে সংবাদ সংস্থাটোৱে ইৰাণৰ এটা সূত্ৰৰ উদ্ধৃতি দি জনায় যে টেহৰাণে এই সংক্ৰান্তীয় কোনো দাবী বা খবৰৰ নিশ্চয়তা প্ৰদান কৰা নাই। অর্থাৎ ভাৰতক ৰেহাই দিয়া বিষয়টো অন্ততঃ আনুষ্ঠানিকভাৱে স্বীকাৰ কৰা নাই।
