দুদিনৰ ৰাজনৈতিক নাটকৰ অন্তত অৱশেষত ৰং সলালে জ্যেষ্ঠ কংগ্ৰেছ নেতা প্ৰদ্যুৎ বৰদলৈয়ে (Pradyut Bordoloi) ।তিনিটা দশকজুৰি হাত শিবিৰত থকাৰ পিছত হঠাতে মোট সলাই গেৰুৱা হৈ পৰিল প্ৰদ্য়ুৎ বৰদলৈ৷
বুধবাৰে নতুন দিল্লীত ৰাজ্য়িক বিজেপিৰ সভাপতি দিলীপ শইকীয়া, মুখ্য়মন্ত্ৰী হিমন্ত বিশ্ব শৰ্মা, কেন্দ্ৰীয় মন্ত্ৰী পবিত্ৰ মাৰ্ঘেৰিটা, সাংসদ কামাখ্যা প্ৰসাদ তাছাৰ উপস্থিতিত বিজেপিত আনুষ্ঠানিকভাৱে যোগদান কৰে প্ৰদ্য়ুৎ বৰদলৈয়ে৷
ইফালে প্ৰদ্য়ুৎ বৰদলৈয়ে বিজেপিত যোগদান কৰাৰ মুখ্যমন্ত্ৰীয়ে মন্তব্য কৰে যে দেৱব্ৰত শইকীয়া, ৰিপুণ বৰাকে ধৰি বহু জ্যেষ্ঠ কংগ্ৰেছ নেতাই সময়ত বিজেপিত যোগদান কৰিব৷
উল্লেখ্য় যে মঙলবাৰে নিশা কংগ্ৰেছৰ পৰা পদত্য়াগ কৰিছিল নগাঁও লোকসভা সমষ্টিৰ সাংসদ প্ৰদ্য়ুৎ বৰদলৈয়ে। তেওঁ কংগ্ৰেছৰ ৰাষ্ট্ৰীয় সভাপতি মল্লিকাৰ্জুন খাৰ্গেলৈ পদত্যা-পত্ৰ প্ৰেৰণ কৰে৷
পদত্য়াগৰ পিছত তেওঁ কয়, “মই আজি মোৰ জীৱনৰ এটা গুৰুত্বপূৰ্ণ নীতি পৰিত্যাগ কৰিছোঁ আৰু এই কথাটোত মই সুখী নহয় ৷ অৱশ্যে মই এই গুৰুত্বপূৰ্ণ সিদ্ধান্ত লৈছোঁ, কাৰণ কংগ্ৰেছ দলৰ ভিতৰতচ’ৰাত বিশেষকৈ অসম কংগ্ৰেছত লগ পোৱা প্ৰতিজন ব্যক্তিয়ে মোক বহুক্ষেত্ৰত অপমান কৰিছিল ৷”
