যোৰহাটত দুৰ্ঘটনাগ্ৰস্ত বায়ুসেনাৰ (Jorhat Plane Crash) এএন-৩২ বিমান। শনিবাৰে পুৱা ৰৰৈয়া বিমানঘাটিত অৱতৰণ কৰাৰ সময়তে এই দুৰ্ঘটনা সংঘটিত হোৱা বুলি জানিব পৰা গৈছে। দুৰ্ঘটনা সংঘটিত হোৱাৰ লগে লগে বিমানখনত অগ্নিকাণ্ড সংঘটিত হয়। পাইলটজনৰ মৃত্যুৰ আশংকা কৰা হৈছে।
যোৰহাট বিমানঘাটিত অৱতৰণ কৰাৰ সময়তে এখন সামৰিক বিমান দুৰ্ঘটনাগ্ৰস্ত হোৱা বুলি বায়ুসেনাই জনাইছে।
এএন-৩২ বিমানখন মূলতঃ সামৰিক সঁজুলি আৰু সৈন্য পৰিবহণৰ বাবে ব্যৱহাৰ কৰা হয়। আশংকা কৰা হৈছে যে পাইলটজনৰ মৃত্যু হৈছে। দুৰ্ঘটনাটোৰ কাৰণ তদন্ত কৰা হ’ব বুলিও জনাইছে। বিমানখন দুৰ্ঘটনাগ্ৰস্ত হোৱাৰ লগে লগে উদ্ধাৰকাৰী দল ঘটনাস্থলীত উপস্থিত হয়।
উল্লেখ্য যে ৰৰৈয়া বিমানঘাটি হৈছে উত্তৰ-পূব ভাৰতৰ এটা গুৰুত্বপূৰ্ণ বিমানবন্দৰ। অসম তথা উত্তৰ-পূৰ্বাঞ্চলৰ সামৰিক কাৰ্যকলাপত এই বন্দৰটোৱে উল্লেখযোগ্য ভূমিকা পালন কৰে। প্ৰথম অৱস্থাত বিমানখনৰ অৱতৰণৰ সময়ত টায়াৰ ফাটি যোৱাৰ সন্দেহ কৰা হৈছে। ফলত পাইলটে নিয়ন্ত্ৰণ হেৰুৱাই পেলায়।
ইয়াৰ পিছত ৰাণৱেৰ পৰা ছিটিকি যোৱা বিমানখনত জুই লাগে। ১৯৮৬ চনৰ পৰা ২২ খন এএন-৩২ বিমান দুৰ্ঘটনাত পতিত হৈছে। যোৱা বছৰো এএন-৩২ বিমান দুৰ্ঘটনাগ্ৰস্ত হৈছিল। কিন্তু বাৰে বাৰে দুৰ্ঘটনা সংঘটিত হোৱাৰ পিছতো বায়ুসেনা এই সামৰিক বিমানখনৰ ওপৰত যথেষ্ট নিৰ্ভৰশীল।
