বৃহস্পতিবাৰে ঝাৰখণ্ড উচ্চ ন্যায়ালয়ে (Jharkhand High Court) ৰাজ্য চৰকাৰে ২২টা নিযুক্তি পৰীক্ষা বাতিল কৰাৰ সিদ্ধান্ত (Decision to cancel the exam)ক লৈ অন্তৱৰ্তীকালীন স্থগিতাদেশ জাৰি (Interim stay order issued) কৰাৰ পিছতে চাকৰি প্ৰত্যাশী আৰু প্ৰশ্নকাকত ফাদিলৰ বিৰুদ্ধে প্ৰতিবাদ কৰা ছাত্ৰ-ছাত্ৰীৰ মাজত পুনৰ উত্তেজনাৰ সৃষ্টি হৈছে। একাংশ বাতৰিত দাবী কৰা হৈছে যে ছাত্ৰ-ছাত্ৰী আৰু চাকৰি প্ৰত্যাশীসকলে নতুনকৈ তেওঁলোকৰ পৰৱৰ্তী আন্দোলনৰ বাবে প্ৰস্তুতি (Preparation for the next movement) আৰম্ভ কৰিছে।
সোমবাৰে নিশা মুখ্যমন্ত্ৰী হেমন্ত ছোৰেনে (Hemant Soren) ঘোষণা কৰিছিল যে প্ৰশ্নকাকত ফাদিল, অনিয়ম, চাকৰি বিক্ৰীকে ধৰি বিভিন্ন অভিযোগৰ বাবে ঝাৰখণ্ড লোকসেৱা আয়োগ আৰু ঝাৰখণ্ড কৰ্মচাৰী বাছনি আয়োগৰ নিযুক্তি পৰীক্ষা বাতিল কৰা হ’ব। এই সন্দৰ্ভত চৰকাৰী নিৰ্দেশনাও সেই নিশাই জাৰি কৰা হৈছিল। কিন্তু বৃহস্পতিবাৰে ঝাৰখণ্ড উচ্চ ন্যায়ালয়ে হেমন্ত চৰকাৰৰ সিদ্ধান্ত স্থগিত ৰাখে। হেমন্ত চৰকাৰৰ সিদ্ধান্ত গৃহীত কৰাৰ বিৰুদ্ধে এদল চাকৰি প্ৰত্যাশীৰ হৈ ঝাৰখণ্ড উচ্চ ন্যায়ালয়ত চাৰিখন আবেদন দাখিল কৰা হয়। তাত ৰাজ্য চৰকাৰে ২২টা নিযুক্তি পৰীক্ষা বাতিল কৰাৰ সিদ্ধান্তক প্ৰত্যাহ্বান জনায়।
আবেদনকাৰীসকলৰ ভিতৰত জেপিএছচিৰ একাদশ আৰু ত্ৰয়োদশ কম্বাইণ্ড চিভিল ছাৰ্ভিচ পৰীক্ষা, জেএছএছচি (কম্বাইণ্ড গ্ৰেজুৱেট লেভেল বা চিজিএল) আৰু খাদ্য সুৰক্ষা বিষয়া পৰীক্ষাৰ সফল পৰীক্ষাৰ্থীও আছিল। তেওঁলোকৰ যুক্তি আছিল যে সফল প্ৰাৰ্থীসকলক তেওঁলোকৰ মতামত দাঙি ধৰাৰ সুযোগ নিদিয়াকৈ চৰকাৰে একপক্ষীয়ভাৱে পৰীক্ষা আৰু নিযুক্তি বাতিল কৰিলে।
ইতিমধ্যে কেইবাজনো আবেদনকাৰী নিৰ্বাচিত হৈ চৰকাৰী সেৱাত যোগদান কৰিছিল। তেওঁলোকৰ বহুতেই আন চাকৰি এৰি থৈ গৈছিল। ফলত পৰীক্ষা বাতিল আৰু নিযুক্তিৰ বাবে তেওঁলোকৰ জীৱন আৰু জীৱিকা অনিশ্চিত হৈ পৰিছে। সেই যুক্তিৰ মূল কথা মানি লৈ আদালতে পৰীক্ষা আৰু নিযুক্তি বাতিল কৰাৰ সিদ্ধান্ত স্থগিত ৰাখে।
কিন্তু সেই কথাত সুখী নহয় প্ৰশ্নকাকত ফাদিলবিৰোধী কৰ্মীসকল। তেওঁলোকৰ সংগঠন ‘জেপিএছচি-জেএছচিচি ৰিফৰ্ম মঞ্চ’ৰ নেতা কুনাল প্ৰতাপ সিঙে অভিযোগ কৰে যে আচলতে হেমন্ত ছোৰেনৰ চৰকাৰেই স্থগিতাদেশ বিচাৰিছিল। সেইবাবেই বৃহস্পতিবাৰে এই গুৰুত্বপূৰ্ণ গোচৰৰ শুনানিৰ বাবে উচ্চ ন্যায়ালয়ত উপস্থিত নাছিল এডভোকেট জেনেৰেল বা তেওঁৰ সহায়ক।
তেওঁ উপহাস কৰি কয়, “হেমন্তৰ বিৰুদ্ধে দুৰ্নীতিৰ গোচৰৰ শুনানিৰ সময়ত কপিল ছিবালৰ দৰে অধিবক্তা দিল্লীৰ পৰা অনা হৈছিল। চাকৰি প্ৰত্যাশীৰ ভৱিষ্যতৰ প্ৰতি চৰকাৰ ইমান উদাসীন কিয়?” পৰীক্ষা ব্যৱস্থাৰ আমূল সংস্কাৰৰ বাবে চৰকাৰক দুমাহ সময় দি তেওঁ কয়, “দুই লাখ ছাত্ৰ-ছাত্ৰী আৰু যুৱক-যুৱতীক আনি ৰাঁচী স্তব্ধ কৰি তোলাৰ ক্ষমতা আমাৰ আছে। ” আন এজন প্ৰশ্নকাকত ফাদিল বিৰোধী আন্দোলনৰ প্ৰথম শাৰীৰ নেতা ৰবীন্দ্ৰ পাছোৱানে মুখ্যমন্ত্ৰী হেমন্ত ছোৰেনক সময় দিয়াৰ পক্ষপাতী নহয়। তেওঁ কয়, “এটা নতুন যুঁজ আৰম্ভ হৈছে। এইবাৰ আমি পোনপটীয়াকৈ ৰাজ্য চৰকাৰৰ বিৰুদ্ধে আন্দোলন আৰম্ভ কৰিম।”
