ASSAM TIMES POST
নিউজ ডেস্ক:
লকডাউনৰ মাজতে আহিছে এক ভাল খবৰ।লকডাউনৰ ৩১ দিন পিছত বহু ক্ষেত্ৰত নিয়মৰ সলনি কৰিছে কেন্দ্ৰীয় চৰকাৰে। কেন্দ্ৰীয় গৃহ মন্ত্ৰনালয়ৰ নির্দেশনা অনুসৰি আজিৰে পৰা অৰ্থাৎ শনিবাৰৰ পৰা দেশত মুকলি কৰিব পাৰিব দোকান সমূহ।
শুকুৰবাৰে নিশা দেশৰ গৃহমন্ত্ৰণালয়ে জাৰি কৰা নিৰ্দেশনাত স্পষ্ট ভাৱে উল্লেখ আছে ” শনিবাৰে পুৱাৰে পৰা দেশৰ সকলো ৰাজ্য আৰু কেন্দ্ৰীয়শাসিত প্ৰদেশত পঞ্জীয়নভুক্ত সকলো দোকান খুলিব পাৰিব।কিন্তু শ্বপিং মল, জিম অথবা শ্বপিং কমপ্লেস্ক আদি প্ৰতিষ্ঠানসমূহ লকডাউন শেষ নোহোৱা পৰ্যন্ত বন্ধ ৰাখিব লাগিব”।
ইফালে গৃহ মন্ত্ৰণালয়ে জাৰি কৰা নির্দেশনাটোত মুকলি কৰিব লগা দোকান সমূহক বান্ধি দিছে কেইটামান কঠোৰ নিৰ্দেশনা।সেই অনুসৰি দোকানী সকলে দোকান সমূহত ৰাখিব লাগিব ৫০শতাংশ কৰ্মচাৰীৰ।লগতে পালন কৰিব লাগিব সামাজিক দুৰত্বৰ।গ্ৰাহক আৰু দোকানী তথা কৰ্মচাৰী সকলোৱে মাস্ক পৰিধান কৰাটো জৰুৰী।কেন্দ্ৰীয় নিৰ্দেশনাত উল্লেখ আছে।
তাপৰ্য পূৰ্ণ কথা এই যে দোকান সমূহ খুলি দিয়া হৈছে যদিও বজাৰ সমূহ সম্পূৰ্ন ৰূপে বন্ধ থাকিব।গতিকে ৩মে’ পৰ্যন্ত দেশত যাতে কোনো বজাৰ নবহে তাৰ প্ৰতি প্ৰশাসনে চকু ৰাখিবলৈ প্ৰশাসনক নিৰ্দেশনা প্ৰদান কৰিছে।
ইফালে সমগ্ৰ দেশতে দোকান সমূহ মুকলি কৰা হৈছে যদিও ক’ৰনা সংক্ৰমণৰ কেন্দ্ৰ তথা ৰে’ডজন তালিকাত অন্তভুক্ত কৰা হৈছে, তেনে অঞ্চলত কোনো দোকান পোহাৰ খোলাৰ অনুমতি প্ৰদান কৰা হোৱা নাই বুলি নিৰ্দেশনা টোত উল্লেখ আছে। গুৰুত্বপূৰ্ণ কথা এই যে যোৱা ২৪মার্চ পৰা সমগ্ৰ দেশত বন্ধ হৈ আছে দোকান সমূহ।
আজিৰে পৰা পুনৰ খোলা হ’ব সকলো দোকান
শুকুৰবাৰে মাজনিশা কেন্দ্ৰীয় গৃহ মন্ত্ৰালয়ে জাৰি কৰিছে এই নতুন নিৰ্দেশনা।
নতুন নিৰ্দেশনা অনুযায়ী ২৫ এপ্ৰিল অৰ্থাৎ শনিবাৰৰ পৰা খোলা হ’ব এইসমূহ দোকান :
# অত্যাৱশ্যকীয় সামগ্ৰীৰ বাহিৰেও অন্যান্য দোকানসমূহো খোলা থাকিব।
# অৱশ্যে শ্বপিং কম্প্লেক্স, মল আদি বন্ধ থাকিব।
# গ্ৰামাঞ্চল, চহৰীয়া উপকণ্ঠ, অবাসীক অঞ্চলৰ সকলো দোকান, ক্ষুদ্ৰ ব্যৱসায় খোলা থাকিব।
# কিন্তু দোকানসমূহত ৫০ শতাংশৰ ওপৰত কৰ্মচাৰী থাকিব নোৱাৰিব।# সামাজিক ব্যৱধান আৰু মাস্ক পৰিধান বাধ্যতামূলক।
# স্থানীয় চেলুন আৰু পাৰ্লাৰসমূহ শনিবাৰৰ পৰা খুলিব পাৰিব।
ডাঙৰ দোকান/ব্ৰেণ্ডিং দোকান/বজাৰ এলেকাসমূহ বন্ধ থাকিব।
# সংশ্লিষ্ট ৰাজ্য/কেন্দ্ৰীয় শাসিত অঞ্চলসমূহৰ shops and establishment আইনৰ অধীনত পঞ্জীয়নভুক্ত দোকানসমূহ খোলা থাকিব।
# এই আইনত নপৰা বাবে নিৰ্দেশনাত সুৰাৰ বিপনী খোলাৰ কথা উল্লেখ কৰা হোৱা নাই।
# পৌৰ আৰু পৌৰ নিগমসমূহৰ সীমাৰ বাহিৰৰ মাৰ্কেট কম্প্লেক্সসমূহ খোলা থাকিব।
# Red zone এলেকাত পূৰ্বৰ দৰেই সকলো বন্ধ থাকিব।
# বজাৰ সংলগ্ন যিসমূহ দোকান, পৌৰ বা পৌৰ নিগমৰ বাহিৰে সকলো দোকান খোলা থাকিব।
