ASSAM TIMES POST
নিউজ ডেস্ক:
ক’ৰ’ণা ভাইৰাছৰ সংক্ৰমণ যদি নকমে তেন্তে অহা বছৰ আয়োজন হ’ব লগা অলিম্পিক বাতিল হ’ব পাৰে৷ এই আশংকাৰ কথা শুনালে টকীঅ’ অলিম্পিক কমিটিৰ প্ৰধান ইয়োছিৰো মোৰিয়ে৷ উল্লেখ্য যে চলিত বছৰৰ জুলাইত আৰম্ভ হোৱাৰ কথা আছিল এই অলিম্পিক৷
কিন্তু ক’ৰ’ণা মহামাৰীৰ বাবে এবছৰলৈ বাতিল কৰা হয়৷ অহা বছৰৰ ২১ জুলাইত এই অলিম্পিক অনুষ্ঠিত হোৱাৰ কথা৷ কিন্তু ক’ৰ’ণাৰ প্ৰকোপ যদি নকমে তেন্তে অলিম্পিক বাতিল হৈ যাব৷ মোৰিয়ে স্পষ্টকৈ কয়, অলিম্পিক পিছুৱাই ২০২২ চনলৈ যোৱাৰ কোনো প্ৰশ্ন নাহে৷ যদি ২০২১ চনত আয়োজনৰ সম্ভৱ নহয়, তেনে বাতিল হৈ যাব অলিম্পিক৷
মোৰিয়ে কয়, পৰিস্থিতি নিয়ন্ত্ৰণলৈ আহিলে অহা বছৰ গ্ৰীষ্মত অলিম্পিক অনুষ্ঠিত হ’ব৷ কিন্তু ক’ৰ’ণাৰ প্ৰকোপ নকমিলে অলিম্পিক বাতিল হৈ যাব৷ জাপান মেডিকেল সংস্থাই কোৱা মতে ক’ৰ’ণাৰ প্ৰতিষেধক আবিষ্কাৰ নকৰিলে অহা বছৰ অলিম্পিক আয়োজনত চৰম অনিশ্চয়তা আহি পৰিছে৷
যি পৰিস্থিতি হৈছে তাৰ প্ৰতি লক্ষ্য কৰিলে অলিম্পিক অহা বছৰত আয়োজন কৰা অতি কঠিন৷ তাৰ পাছতে টকীঅ’ অলিম্পিক কমিটিৰ প্ৰধান ইয়োছিৰো মোৰিয়ে উল্লেখিত কথা প্ৰকাশ কৰে৷
